ഇതിനുള്ളില്‍ അകപ്പെട്ടാല്‍ തിരിച്ചുവരവ് അസാധ്യം, ആമസോണ്‍ കാട്ടില്‍ ഒളിഞ്ഞിരിക്കുന്ന രഹസ്യങ്ങള്‍

നിഗൂഢതകള്‍ നിറഞ്ഞ ആമസോണ്‍ വനം ഒരു വിവരണാതീതമായ പ്രഹേളിക പോലെയാണ്. കോടിക്കണക്കിന് ഏക്കറുകളിലായി വ്യാപിച്ചുകിടക്കുന്ന ഈ വനം ലോകത്തിലെ ഏറ്റവും വലിയ വനങ്ങളില്‍ ഒന്നായി കണക്കാക്കപ്പെടുന്നു. ഒമ്പത് രാജ്യങ്ങളുടെ അതിര്‍ത്തികള്‍ തൊടുന്ന തരത്തില്‍ വിശാലമാണ് ഈ വനം. ആരെങ്കിലും ഈ വനത്തില്‍ അകപ്പെട്ടാല്‍ പുറത്തുകടക്കാന്‍ കുറച്ച് ദിവസമെടുത്തേക്കാം.

മാത്രമല്ല നിങ്ങളുടെ ജീവന്‍ വരെ അപകടത്തിലാകാന്‍ സാധ്യതയുണ്ട്. ഈ കാടിന്റെ ഉള്ളിലേക്ക് മനുഷ്യന്‍ ഇറങ്ങാന്‍ പോലും ചിന്തിക്കാത്തതിന്റെ കാരണം ഇതാണ്. ഇതിനെ 'മഴക്കാടുകള്‍' എന്നും വിളിക്കുന്നു. ആമസോണ്‍ വനവുമായി ബന്ധപ്പെട്ട് ആളുകളെ അമ്പരപ്പിക്കുന്ന നിരവധി കാര്യങ്ങള്‍ ഉണ്ട്. ഈ അമ്പരപ്പിക്കുന്ന രഹസ്യങ്ങളെക്കുറിച്ച് ഇവിടെ വായിച്ചറിയാം.

തിളച്ചുമറിയുന്ന നദി

ആമസോണ്‍ വനത്തില്‍ എപ്പോഴും വെള്ളം തിളച്ചുമറിയുന്ന ഒരു നദിയുണ്ട്. ആരെങ്കിലും അബദ്ധത്തില്‍ അതിലെ വെള്ളത്തില്‍ വീണാല്‍ അയാളുടെ മരണം ഏതാണ്ട് ഉറപ്പാണ്. പെറുവിലെ ഈ നിഗൂഢ നദി 2011 ല്‍ ജിയോളജിസ്റ്റ് ആന്ദ്രേ റുജോയാണ് കണ്ടെത്തിയത്. ഈ നദിക്ക് ഏകദേശം ഒരു കിലോമീറ്റര്‍ നീളമുണ്ട്. റുജോയുടെ അഭിപ്രായത്തില്‍, അതിലെ വെള്ളം വളരെ ചൂടാണ്, ആ ചൂടില്‍ നിങ്ങള്‍ക്ക് ചായ ഉണ്ടാക്കാന്‍ പോലും കഴിയും. മനുഷ്യനോ മൃഗമോ ഈ നദിയിലെ തിളച്ച വെള്ളത്തില്‍ വീണാല്‍ മരിക്കാനിടയുണ്ട്. വെള്ളത്തില്‍ വീഴുന്ന നിരവധി ചെറുജീവികള്‍ തല്‍ക്ഷണം ചത്തൊടുങ്ങുന്നത് അദ്ദേഹം നേരിട്ട് കണ്ടിരുന്നു. നദിയിലെ ജലത്തിന്റെ താപനില ഏകദേശം 80 ഡിഗ്രി സെല്‍ഷ്യസാണെന്ന് പറയപ്പെടുന്നു. ഈ നദി പ്രകൃതിയുടെ ഒരു അത്ഭുതമാണ്. അതിലെ വെള്ളം നിഗൂഢമായി തിളച്ചുമറിയുന്നു. ശാസ്ത്രജ്ഞര്‍ ഇതേക്കുറിച്ച് ഗവേഷണം നടത്തുന്നുണ്ട്. എന്നാല്‍ ഇതുവരെ എന്തുകൊണ്ടാണ് അതിലെ വെള്ളം ഇത്ര ചൂടാകുന്നത് എന്ന് ഇതുവരെ കണ്ടെത്താനായിട്ടില്ല.

ഭൂമിയുടെ ശ്വാസകോശം

ആമസോണ്‍ വനത്തെ ഭൂമിയുടെ ശ്വാസകോശം എന്നും വിളിക്കുന്നു, കാരണം ഭൂമിയിലെ മൊത്തം ഓക്‌സിജന്റെ 20 ശതമാനവും ഈ വനത്തില്‍ നിന്നാണ് ലഭിക്കുന്നത്. 70 ലക്ഷം ചതുരശ്ര കിലോമീറ്റര്‍ അതായത് 1.7 ബില്യണ്‍ ഏക്കര്‍ വിസ്തൃതിയില്‍ വ്യാപിച്ചുകിടക്കുന്നതാണ് ഈ ഭീമാകാരമായ വനം എന്നറിയുമ്പോള്‍ നിങ്ങള്‍ ആശ്ചര്യപ്പെടും. ഈ ഒരൊറ്റ വനം 9 രാജ്യങ്ങളുടെ അതിര്‍ത്തിയില്‍ സ്പര്‍ശിക്കുന്നു എന്നതില്‍ നിന്ന് നിങ്ങള്‍ക്ക് അതിന്റെ വിശാലത കണക്കാക്കാം.

മനുഷ്യനെ കൊല്ലുന്ന പ്രാണികള്‍

ഈ വനം എത്രത്തോളം മനോഹരമാണോ, അതുപോലെ തന്നെ നിഗൂഢവുമാണ്. ഈ കാട്ടില്‍ കടന്ന് വഴി തെറ്റിയാല്‍ പിന്നെ പുറത്തിറങ്ങാന്‍ പറ്റാത്ത അവസ്ഥയാണെന്നാണ് പറയപ്പെടുന്നത്. ഈ വലിയ വനത്തില്‍ 16 ആയിരത്തിലധികം ഇനം മരങ്ങളും ചെടികളും ഉണ്ടെന്നറിയുമ്പോള്‍ നിങ്ങള്‍ ആശ്ചര്യപ്പെടും. 25 ലക്ഷത്തിലധികം ഇനം പ്രാണികളും ഈ കൊടു കാട്ടില്‍ കാണപ്പെടുന്നു. ഇവയില്‍ ചില പ്രാണികള്‍ക്ക് ഒരു മനുഷ്യനെ കൊല്ലാനുള്ള അത്ര വിഷമുണ്ട്.

അനാക്കോണ്ട

അനക്കോണ്ടയെക്കുറിച്ച് നിങ്ങള്‍ കേട്ടിരിക്കണം. ആമസോണ്‍ കാടുകളിലെ നദികളില്‍ കൂടുതലായി കാണപ്പെടുന്ന ഭീമന്‍ പാമ്പുകളാണിവ. ഇതുകൂടാതെ പിരാന പോലുള്ള അപകടകരമായ മത്സ്യങ്ങളും വൈദ്യുതി ഉല്‍പാദിപ്പിക്കുന്ന ഈല്‍ മത്സ്യങ്ങളും ഈ നദികളില്‍ കാണപ്പെടുന്നു. പലതരം മാരക രോഗങ്ങളും പരത്തുന്ന വാമ്പയര്‍ വവ്വാലുകളും ഈ വനത്തില്‍ കാണപ്പെടുന്നു. ഈ വനത്തില്‍ പോകുന്നത് മരണത്തിന്റെ വായില്‍ പോകുന്നതുപോലെ പോകുന്നു.

മനുഷ്യരും വസിക്കുന്നു

എന്നിരുന്നാലും മനുഷ്യര്‍ ഈ വനത്തില്‍ വസിക്കുന്നില്ല എന്ന് കരുതരുത്. 500-ലധികം ഗോത്രവര്‍ഗ്ഗങ്ങള്‍ ഇവിടെ വസിക്കുന്നുണ്ട്. ഈ ഇനങ്ങളില്‍ 50 ശതമാനവും പുറം ലോകവുമായി യാതൊരു ബന്ധവുമില്ലാത്തവയാണെന്ന് അറിയുമ്പോള്‍ നിങ്ങള്‍ ആശ്ചര്യപ്പെടും.

ഏറ്റവും വലിയ മഴക്കാട്

ലോകത്തിലെ ഏറ്റവും വലിയ മഴക്കാടാണ് ആമസോണ്‍. 55 ലക്ഷം ചതുരശ്ര കിലോമീറ്ററിലാണ് ആമസോണ്‍ വ്യാപിച്ചു കിടക്കുന്നത്. ആമസോണ്‍ വളരെ സാന്ദ്രമായതിനാല്‍ പ്രകാശത്തിന് വരെ ചില സ്ഥലങ്ങളില്‍ എത്താന്‍ കഴിയില്ല. ആമസോണ്‍ കാടുകള്‍ വളരെ നിബിഡമാണ്, അതിന്റെ പല ഭാഗങ്ങളിലും വെളിച്ചം എത്തില്ല.

ആമസോണിന്റെ ഏറ്റവും വലിയ ഭാഗം ബ്രസീലില്‍

ആമസോണ്‍ വനത്തിന്റെ 60 ശതമാനവും ബ്രസീലിലാണ് വ്യാപിച്ചുകിടക്കുന്നത്. 13% പെറുവിലും ബാക്കിയുള്ള പങ്ക് കൊളംബിയ, വെനിസ്വേല, ഇക്വഡോര്‍, ബൊളീവിയ, ഗയാന, സുരിനാം, ഫ്രഞ്ച് ഗയാന എന്നിവിടങ്ങളിലും വ്യാപിച്ചുകിടക്കുന്നു.

ആമസോണ്‍ വനം വളരെ അപകടകരം

ദൂരെ നിന്ന് നോക്കുമ്പോള്‍ ആമസോണ്‍ വനം പച്ചപ്പ് നിറഞ്ഞതും മനോഹരവുമാണെന്ന് തോന്നുമെങ്കിലും ഉള്ളില്‍ നിന്ന് നോക്കുമ്പോള്‍ അത് അപകടകരമാണ്. മനുഷ്യനെ നിമിഷനേരം കൊണ്ട് കൊല്ലാന്‍ കഴിയുന്ന നിരവധി മരങ്ങളും ചെടികളും മൃഗങ്ങളും ഈ കാട്ടിലുണ്ട്.

ഉറുമ്പുകള്‍ പോലും ജീവനെടുക്കും

ആമസോണ്‍ വനത്തിലെ വലിയ മൃഗങ്ങളെക്കാള്‍ അപകടം ഉറുമ്പുകളാണ്. തങ്ങളേക്കാള്‍ എത്രയോ മടങ്ങ് വലിപ്പമുള്ള ഒരാളുടെ ജീവന്‍ പോലും അപഹരിക്കുന്ന തരത്തില്‍ അപകടകാരികളാണ് ഇവിടെ കാണപ്പെടുന്ന ബുള്ളറ്റ് ഉറുമ്പുകള്‍. അപകടകാരികളായ നിരവധി ചിലന്തികളെ ആമസോണ്‍ വനങ്ങളില്‍ കാണാം. ഇതിലൊന്നാണ് ടരാന്റുല ചിലന്തി. ഈ ചിലന്തി വളരെ അപകടകാരിയാണ്, അത് മനുഷ്യന്റെ കണ്ണിലെങ്ങാന്‍ തൊട്ടാല്‍ ഒരു നിമിഷം കൊണ്ട് കണ്ണ് പൊട്ടിത്തെറിക്കും.