അംബാനി കുടുംബത്തിന്റെ രഹസ്യങ്ങള്‍

ഇന്ത്യയിലെ ധനികരില്‍ മുമ്പന്‍ അംബാനി സഹോദരന്മാരിലെ മൂത്തയാള്‍ മുകേഷ് അംബാനിയാണ്. ഫോബ്‌സ് മാഗസിന്‍ നടത്തിയ സര്‍വെയിലാണ ഇക്കാര്യം പറയുന്നത്. രണ്ടാം സ്ഥാനത്ത് ലക്ഷ്മി നിവാസ് മിത്തലാണ്.

റിലയന്‍സ് അധിപനായ മുകേഷ് അംബാനിയുടെ ആസ്തി 22.6 ബില്യണ്‍ ഡോളറാണ്. ഭാര്യ നീത അംബാനിയും മക്കള്‍ ആകാശ്, ഇഷ, അനന്ത് എന്നിവരും അടങ്ങുന്ന അംബാനി കുടുബത്തെക്കുറിച്ച് കൂടുതലറിയൂ,

ആന്റിലിയ എന്നാണ് മുകേഷ് അംബാനിയുടെ പുതിയ വീടിന്റെ പേര്. ലോകത്തെ തന്നെ ഏറ്റവും വില പിടിപ്പുള്ള വീടുകളിലൊന്ന്. 60 നിലകളുള്ള ഈ വീട്ടില്‍ 163 കാര്‍ ഗ്യാരേജുകളുണ്ട്. 600 പരിചാരകരുണ്ട്. ഇതിനു പുറമെ ഹെല്‍ത്ത് ക്ലബുകള്‍, തീയേറ്റര്‍ എന്നിവയുമുണ്ട്.

മുകേഷ് അംബാനിയുടെ 17കാരന്‍ പുത്രനായ അനന്ത് മുംബൈയിലെ ബാലാജി ക്ഷേത്രത്തിലെ നിത്യസന്ദര്‍ശകനാണ്. ഒരു വെള്ള ആനയേയും അനന്ത് ക്ഷേത്രത്തിനു നല്‍കിയിട്ടുണ്ട്.

നീത അംബാനിയുടെ ഒരു ജന്മദിനത്തിന് 62 മില്യന്‍ ഡോളര്‍ വിലയുള്ള ഒരു ജെറ്റ് വിമാനമാണ് മുകേഷ് സമ്മാനിച്ചത്.

ജീവകാരുണ്യപ്രവര്‍ത്തനങ്ങളില്‍ സജീവമാണ് നീത അംബാനി. ധീരുഭായ് അംബാനി ഇന്റര്‍നാഷണല്‍ സ്‌കൂള്‍ ചെയര്‍ പേഴ്‌സണ്‍ കൂടിയാണ് ഇവര്‍.

കോടീശ്വരനാണെങ്കിലും വളരെ ലളിതമായ ഒരു ജീവിതം നയിക്കുന്നയാളാണ് മുകേഷ് അംബാനി. തികഞ്ഞ സസ്യഭുക്കായ ഇദ്ദേഹം ഞായറാഴ്ച ദിവസം കുടംബത്തിനു മാത്രമായി നീക്കി വച്ചിരിയ്ക്കുന്നു.

ഇവരുടെ പുത്രിയായ ഈഷ അംബാനി അമേരിക്കയിലെ യേല്‍ സര്‍വകലാശാലയിലെ വിദ്യാര്‍ത്ഥിനിയാണ്.

ഏഷ്യയിലെ ഏറ്റവും മികച്ച ബിസിനസുകാരില്‍ 13-ാമനായി ഫോര്‍ച്യൂണ്‍ മാഗസിന്‍ മുകേഷ് അംബാനിയെ തെരഞ്ഞെടുത്തിട്ടുണ്ട്.