ഇന്ത്യയിലെ പത്ത് സംഗീത പ്രതിഭകൾ

ഇളയരാജ

തമിഴ് സംഗീതലോകത്തെ കുലപതിയായ ഇളയരാജ കഴിഞ്ഞ മൂന്ന് ദശാബ്ദമായി തമിഴ് സിനിമകളുടെ അവിഭാജ്യ ഘടകമാണ്. സംഗീത സംവിധായകൻ, ഗാനരചയിതാവ്, ഗായകൻ എന്നീ നിലകളിൽ ഒരുപോലെ മികവ് തെളിയിച്ചിട്ടുള്ള ഇളയരാജ ആയിരത്തോളം സിനിമകളിലായി 4500 ഗാനങ്ങൾക്ക് സംഗീതം നൽകിയിട്ടുണ്ട്. ഇന്ത്യൻ സംഗീതവും വെസ്റ്റേണ്‍ മ്യൂസികും സംയോജിപ്പിച്ചുള്ള ശൈലിയാണ് ഇളയരാജയുടെ പ്രത്യേകത.

സാഹിർ ലുധിയാൻവി

1921ൽ അബ്ദുൾ ഹയീ എന്ന പേരിൽ ലുധിയാനയിൽ ജനിച്ച സാഹിർ ലുധിയാൻവി പദ്മശ്രീ അവാർഡ് ലഭിച്ചിട്ടുള്ള കവിയാണ്‌. ഒരു കാലത്ത് എസ്.ഡി.ബർമനും ഗുരുദത്തിനുമൊപ്പം ചേർന്ന് ഹിന്ദി സിനിമാ ലോകത്തിന് ഒരുപാട് നല്ല ഗാനങ്ങൾ നൽകാൻ അദ്ദേഹത്തിന് കഴിഞ്ഞു.

എ.ആർ.റഹ്‌മാൻ

ഇന്ന് ഇന്ത്യൻ സംഗീത ലോകത്തെ ഏറ്റവും പ്രശസ്തനായ വ്യക്തി ആരെന്നു ചോദിച്ചാൽ അതിനുത്തരം മദ്രാസ്‌ മൊസാർട്ട് എന്നറിയപ്പെടുന്ന എ.ആർ.റഹ്‌മാൻ തന്നെയായിരിക്കും. കുറച്ചുകാലം കൊണ്ടുതന്നെ ലോകത്തെ അറിയപ്പെടുന്ന സംഗീത സംവിധായകനാകാൻ റഹ്‌മാന് കഴിഞ്ഞു. തന്‍റെ മാസ്മരിക സംഗീതം കൊണ്ട് ഓസ്കാർ പുരസ്കാരവും ഗ്രാമി അവാർഡും റഹ്‌മാൻ നേടിയെടുത്തു. ഇതിനുപുറമെ നിരവധി ദേശീയ പുരസ്കാരങ്ങളും ബാഫ്ത അവാർഡും റഹ്‌മാന്‍റെ പേരിലുണ്ട്. 2009ൽ ടൈം മാഗസിൻ ലോകത്തിലെ ഏറ്റവും സ്വാധീനമുള്ള വ്യക്തികളിലൊരാളായി റഹ്‌മാനെ തെരഞ്ഞെടുത്തിരുന്നു.

ലക്ഷ്മികാന്ത്-പ്യാരേലാൽ

എൽ-പി എന്ന ചുരുക്കപ്പേരിൽ അറിയപ്പെടുന്ന ലക്ഷ്മികാന്ത്-പ്യാരേലാൽ ജോഡി ഹിന്ദി സിനിമയിലെ എക്കാലത്തെയും മികച്ച കുറെ ഗാനങ്ങൾ സമ്മാനിച്ച കൂട്ടുകെട്ടാണ്. ഇന്ത്യൻ ക്ലാസിക് സംഗീതം, വെസ്റ്റേണ്‍ സംഗീതം, ഡിസ്കോ, റോക്ക് ആൻഡ് റോൾ എന്നിവയുടെ സാധ്യതകളെ ഏറ്റവും മികച്ച രീതിയിൽ ഉപയോഗപ്പെടുത്താൻ ഈ കൂട്ടുകെട്ടിന് കഴിഞ്ഞു.

ലക്കി അലി

സോളോ ആൽബങ്ങളിലൂടെ ഒരു തരംഗം സൃഷ്ടിച്ചുകൊണ്ടായിരുന്നു ലക്കി അലിയുടെ കടന്നുവരവ്. തീർത്തും വ്യത്യസ്തമായ വരികളും ശബ്ദവും കൊണ്ട് അലി യുവാക്കളുടെ ഹരമായി മാറി. അദ്ദേഹത്തിന്‍റെ ആലാപന ശൈലിയോട് കിടപിടിക്കാവുന്ന ഗായകർ ഇല്ലെന്നുതന്നെ പറയേണ്ടിവരും. അലിയുടെ മാസ്മരിക ശബ്ദം തന്നെയാണ് ശ്രോതാക്കളെ ആകർഷിക്കുന്ന പ്രധാന ഘടകം.

സുനീതി ചൗഹാന്‍

ഇന്ന് ഇന്ത്യയിലെ ഏറ്റവും മികച്ച ഗായികമാരിൽ ഒരാളാണ് സുനീതി ചൗഹാന്‍. ഹിന്ദിക്ക് പുറമെ തമിഴ്, തെലുങ്ക്, കന്നഡ, ബംഗാളി, ഗുജറാത്തി ഭാഷകളിലും സുനിധി തന്‍റെ സാന്നിധ്യം അറിയിച്ചിട്ടുണ്ട്. ഇന്ന് പുറത്തിറങ്ങുന്ന മിക്ക ഹിന്ദി സിനിമകളിലും സുനിധിയുടെ ഒരു പാട്ടെങ്കിലും ഉണ്ടാവുക പതിവാണ്.

സോനു നിഗം

പിന്നണി ഗായകർക്കിടയിലെ അമീർഖാൻ എന്ന് വേണമെങ്കിൽ സോനു നിഗത്തെ വിശേഷിപ്പിക്കാം. എല്ലാ അർത്ഥത്തിലും പുതുതലമുറയുടെ ആവേശമാണ് ഈ പാട്ടുകാരൻ. തന്‍റെ ആൽബങ്ങളിലൂടെ യുവ തലമുറയെ ഹരം പിടിപ്പിച്ച സോനു നിഗം പല ഭാഷകളിലായി നിരവധി സിനിമകൾക്ക് വേണ്ടി പാടിയിട്ടുണ്ട്.

ആർ.ഡി.ബർമ്മൻ

ബോളിവുഡിലെ എക്കാലത്തെയും മികച്ച സംഗീത സംവിധായകരുടെ കൂട്ടത്തിലാണ് പഞ്ചംദാ എന്നറിയപ്പെടുന്ന ആർ.ഡി.ബർമ്മന്‍റെ സ്ഥാനം. അദ്ദേഹത്തിന്‍റെ പല പാട്ടുകളും ഡാൻസ് ജോക്കികൾ റീമിക്സ്‌ ചെയ്ത് ഇന്നും ഉപയോഗിക്കുന്നു എന്നത് അദ്ദേഹത്തിന്‍റെ സ്വാധീനത്തെ വ്യക്തമാക്കുന്നു.

ആശ ഭോസ്‌ലെ

1943 മുതൽ ഇന്ത്യ കേട്ടുതുടങ്ങിയതാണ് ആശ ഭോസ്‌ലെയുടെ ശബ്ദം. ലോകചരിത്രത്തിൽ തന്നെ ഏറ്റവും കൂടുതൽ പാട്ടുകൾ റെക്കോർഡ്‌ ചെയ്യപ്പെട്ട ഗായിക എന്ന ഗിന്നസ് റെക്കോർഡും ആശ ഭോസ്‌ലെയുടെ പേരിലാണ്.

ലത മങ്കേഷ്കർ

ഇന്ന് ഇന്ത്യൻ സംഗീതത്തിലെ അവസാന വാക്കാണ് ലത മങ്കേഷ്കർ. ഈ പ്രതിഭയുടെ സ്വരമാധുര്യം ഒരിക്കലെങ്കിലും അനുഭവിച്ചിട്ടില്ലാത്തവർ ഇന്ത്യയിൽ ഇല്ലെന്നുതന്നെ പറയാം.

യേശുദാസ്

മലയാളികള്‍ക്ക് ഒഴിച്ചു കൂടാനാവാത്ത സ്വരസാന്നിദ്ധ്യമാണ് യേശുദാസ്. ഗാനഗന്ധര്‍വന്‍ എന്ന പേരിന് എന്തു കൊണ്ടും അര്‍ഹന്‍.

ശ്രേയ ഘോഷാല്‍

പുതുതലമുറയിലെ ഗായികമാരില്‍ ശ്രദ്ധേയയാണ് ശ്രേയ ഘോഷാല്‍.വിവിധ ഭാഷകളില്‍ പാടുന്നുവെന്നതു ത്‌ന്നെയാണ് ഇവരുടെ ഏറ്റവും വലിയ പ്രത്യേകതയും.