നെഗറ്റീവ് ചിന്തകളെ ഒഴിവാക്കാം

1)ചിന്തകള്‍ നിരീക്ഷിക്കുക

നിഷേധാത്മക ചിന്തകള്‍ നിയന്ത്രണത്തിലാക്കാന്‍ ആദ്യ ചെയ്യേണ്ടത് ചിന്തകളെ നിയന്ത്രിക്കുകയാണ്. ഒരകലത്തില്‍ നിന്ന് ചിന്തകള്‍ നിരീക്ഷിക്കു എന്നിട്ട് മനസ്സിലാക്കുക എന്താണ് നിങ്ങളെ കുഴപ്പത്തിലേയ്ക്ക നയിക്കുന്നതെന്ന്. ചിലപ്പോള്‍ ചില ചിന്തകള്‍ നിങ്ങളെ ആകെ ഉലര്‍ത്തിയെന്നു വരാം. എങ്കിലും അവ നിരീക്ഷിക്കുന്നുവെന്ന് ഉറപ്പ് വരുത്തുക. നെഗറ്റീവ് ചിന്തകളാണ് മനസ്സിലേക്ക് വരുന്നതെങ്കില്‍ ചിന്തിക്കുന്നത് അവസാനിപ്പിക്കു.

2) എഴുത്ത് ശീലമാക്കുക

നെഗറ്റീവ് ചിന്തകള്‍ മനസ്സിലായാല്‍ അടുത്തതായി ചെയ്യേണ്ടത് അത് നിയന്ത്രിക്കുകയാണ്. എഴുത്ത് ശീലമാക്കുന്നതാണ് അതിനുള്ള പോംവഴി. ചിന്തകളെ കീഴ്‌പ്പെടുത്തുന്ന ഘടകളങ്ങളെല്ലാം എഴുതിവെയ്ക്കുക. സത്യസന്ധമായിരിക്കണം എഴുത്ത്, ഇനി ചിന്തകള്‍ അപഗ്രഥിക്കുക.

3)തിരക്കില്‍ ജീവിക്കുക

നിഷേധാത്മക ചിന്തകളെ വരുതിയിലാക്കാന്‍ എളുപ്പവഴി എപ്പോഴും തിരക്കായിരിക്കുകയാണ്. വെറുതെ ഇരിക്കരുത്. ഓര്‍ക്കുക. നിര്‍ജീവമായ മനസ്സ് സാത്താന്റെ പണിപ്പുരയാണ്. എന്തെങ്കിലുമൊക്കെ എപ്പോഴും ചെയ്യുക. ക്ഷീണിക്കുന്നതു വരെ ഉറക്കം വരുന്നതു വരെ ജോലി തുടരുക.

4) വിനോദം കണ്ടെത്തുക.

മനസ്സിനിണങ്ങിയ എന്തെങ്കിലും വിനോദപ്രവര്‍ത്തികള്‍ കണ്ടെത്തുക. പെയിന്റിംഗ്, ഗാര്‍ഡനിംഗ്, തുന്നല്‍, പാചകം...........

5)നടത്തം

വൈകുന്നേരങ്ങളില്‍ നടത്തം ശീലമാക്കുക. മനസ്സിണങ്ങിയ സുഹൃത്തോ, ജീവിതപങ്കാളിയോ കൂടെയുണ്ടാവട്ടെ. ആരായാലും പോസിറ്റീവ് ചിന്തയുള്ള ആളായിരിക്കണം. നിങ്ങളെ കുഴപ്പത്തിലാക്കുന്ന കാര്യങ്ങള്‍ അവരുമായി പങ്കുവെയ്ക്കുക. മനസ്സു തുറന്നാല്‍ റിലാക്‌സ് ആകും.

6) എന്തിലും ഉണര്‍വ് കണ്ടെത്തുക

നെഗറ്റീവ് ചിന്ത പിന്തുടരുന്നുവെങ്കില്‍ എന്തെങ്കിലും പുതുതായി ചെയ്യുക. സംഗീതം, നൃത്തം, എന്നിവ പഠിക്കാന്‍ ശ്രമിക്കു. ഊര്‍ജ്ജം വര്‍ദ്ധിപ്പിക്കാം.

7)നന്ദി

സദാ എല്ലാവരോടും എല്ലാറ്റിനോടും നന്ദിയുള്ളവരായിരിക്കുക. എന്തെങ്കിലും നിഷേധാത്മക ചിന്ത മനസ്സില്‍ കടന്നുവന്നാല്‍ ഉടന്‍ ഒരു കഷ്ണം കടലാസെടുത്ത് നിങ്ങളുടെ ജീവിതത്തില്‍ അന്നോളം സംഭവിച്ച നല്ല കാര്യങ്ങള്‍ എഴുതുക. അതില്‍ നന്ദിയുള്ളവരാവുക. പല ആവര്‍ത്തി വായിക്കുക. അതോടെ നിഷേധചിന്ത മനസ്സില്‍ നിന്നും പോവും.

8) സന്തോഷം കണ്ടെത്താന്‍ ശ്രമിക്കു

സന്തോഷം നല്‍കുന്നതെന്തോ അവ കണ്ടെത്താന്‍ ശ്രമിക്കു. നിസാര കാര്യങ്ങളായിരിക്കാം ഒരു പക്ഷേ അത്. ചിലപ്പോള്‍ ഒരു കപ്പ് ഐസ്‌ക്രീം കഴിച്ചാലോ പൂച്ചയെ കണ്ടിരുന്നാലോ സന്തോഷം വന്നേക്കാം. എന്തായാലും അത് ചെയ്യുക