സ്‌ത്രീകളെ പീഡിപ്പിക്കുന്നതില്‍ കേരളം മുന്നില്‍

Insync

oi-Nadiya

By Shabnam Aarif

Updated: Thursday, July 12, 2012, 18:02 [IST]

ഗുവാഹട്ടി: സ്‌ത്രീകള്‍ക്കെതിരായ അധിക്രമങ്ങളുടെ കാര്യത്തില്‍ സാക്ഷര കേരളം മുന്‍പന്തിയില്‍ എന്ന്‌ റിപ്പോര്‍ട്ട്‌. നാഷണല്‍ ക്രൈം റെക്കോര്‍ഡ്‌ ബ്യൂറോ നടത്തിയ പഠനത്തിലാണ്‌ ഈ ലജ്ജിപ്പിക്കുന്ന കണക്ക്‌ പുറത്തു വന്നിരിക്കുന്നത്‌.

2011ല്‍ 11,288 സ്‌ത്രീകളാണത്രെ കേരളത്തില്‍ പീഡനങ്ങള്‍ക്ക്‌ ഇരയായത്‌. സ്‌ത്രീകളെ അപമാനിച്ചതുമായി ബന്ധപ്പെട്ട കേസുകളുടെ എണ്ണത്തിന്റെ ദേശീയ ശരാശരി 3.6 മാത്രമാണെങ്കില്‍ കേരളത്തില്‍ ഇത്‌ 11.2 ശതമാനമാണ്‌.

സ്‌ത്രീകളെ പീഡിപ്പിക്കുന്ന കാര്യത്തില്‍ ഇന്ത്യയില്‍ ഏറ്റവും മുമ്പന്തിയില്‍ നില്‍ക്കുന്ന സംസ്ഥാനം അസം ആണ്‌. കഴിഞ്ഞ വര്‍ഷം ത്രിപുരക്കു പിന്നില്‍ രണ്ടാം സ്ഥാനത്തായിരുന്നു അസം.

ഇത്തവണ അസമിനു പിന്നാലെ രണ്ടാം സ്ഥാനത്താണ്‌ കേരളത്തിന്റെ സ്ഥാനം. നാഗാലാന്റ്‌ ആണ്‌ സ്‌ത്രീകള്‍ക്ക്‌ ജീവിക്കാന്‍ ഏറ്റവും സുരക്ഷിതമായ സംസ്ഥാനം എന്നാണ്‌ കണക്കുകള്‍ സൂചിപ്പിക്കുന്നത്‌.

സ്‌ത്രീകള്‍ ഏറ്റവും കൂടുതല്‍ അപമാനിക്കപ്പെടുന്ന നഗരങ്ങളില്‍ നമ്മുടെ കൊല്ലം രണ്ടാം സ്ഥാനത്തുണ്ട്‌. 57.5 ശതമാനവുമായാണ്‌ കൊല്ലം രണ്ടാം സ്ഥാനത്തെത്തിയിരിക്കുന്നത്‌.