കാവ്യയുടെ ഓണം

Insync

oi-Saritha PV

By Veena

Updated: Thursday, August 24, 2017, 11:26 [IST]

മലയാള സിനിമയില്‍ കാവ്യദളം വിടര്‍ത്തിയ പെണ്‍കുട്ടിയാണ് കാവ്യാ മാധവന്‍. അയല്‍പക്കത്തെ പെണ്‍കുട്ടി എന്ന രീതിയില്‍ കാവ്യയെ സ്‌നേഹിക്കുന്നവരാണ് മിക്കവാറും മലയാളികളും.

കാവ്യയ്ക്കുമുണ്ട് ഓണത്തെക്കുറിച്ച് പറയാനേറെ.

കൊച്ചിയിലാണ് താമസമെങ്കിലും കാസര്‍കോട്ടെ ഓണദിനങ്ങളാണ് കാവ്യയുടെ മനസില്‍ മിഴിവോടെ നിറഞ്ഞു നില്‍ക്കുന്നത്.

ആളും ബഹളവുമുള്ള ദിനങ്ങളാണ് ഓണത്തെക്കുറിച്ച് കാവ്യയെ ഓര്‍മിപ്പിക്കുന്നത്.

ചെറുപ്പത്തില്‍ പൂക്കളമിടല്‍ തന്നെയായിരുന്നു കാവ്യയ്ക്ക് ഏറെ ഇഷ്ടമുള്ള ഓണകര്‍മം.

പലയിടത്തു നിന്നും ഇടവഴികള്‍ കയറിപ്പോയി ഓണപ്പൂക്കല്‍ ശേഖരിക്കുന്നത് തന്നെ പ്രധാനം.

ഓണത്തിന്റെ അന്ന് എല്ലാവരും ഓണപ്പുടവ ധരിക്കും. സ്വന്തമായി തുണിക്കടയുള്ളതു കൊണ്ട് ഇത് ബുദ്ധിമുട്ടുള്ള പണിയല്ല.

ഓണസദ്യയും പ്രധാനം. ഓണത്തിനും വിഷുവിനും നോണ്‍ വെജിറ്റേറിയന്‍ വിഭവങ്ങള്‍ കഴിയ്ക്കണമെന്നതാണ് കാസര്‍കോഡ്, കണ്ണൂര്‍ ഭാഗത്തെ ഓണം, വിഷു എന്നിവയെ മറ്റുള്ളിടത്തെ സദ്യകളില്‍ നിന്നും വ്യത്യസ്തമാക്കുന്നത്.

കുഞ്ഞുകാവ്യ വളര്‍ന്ന് തിരക്കുള്ള കാലമായിട്ടും ചിട്ടകള്‍ മറന്നിട്ടില്ല. പലപ്പോഴും ഓണാഘോഷം സിനിമാസെറ്റുകളിലായിരിക്കും.ബന്ധുക്കള്‍ക്കും ഡ്രൈവര്‍ക്കും ജോലിക്കാര്‍ക്കും കാവ്യ ഇപ്പോള്‍ എല്ലാ ഓണത്തിനും ഓണക്കോടിയെടുത്തു കൊടുക്കുകയും ചെയ്യും.

ഏതു മലയാളിയേയും പോലെ കുടുംബത്തോടൊപ്പം ഓണം എന്നതാണ് കാവ്യയുടേയും ഏറ്റവും വലിയ സന്തോഷം.