ബീച്ച് വോളിബോള്‍ മണലിന്റെ രഹസ്യം

ഒളിമ്പിക്‌സ് ജ്വരം പടര്‍ന്നു പിടിച്ചിരിക്കുന്ന സമയമാണിത്. മാധ്യമങ്ങളിലെല്ലാം തന്നെ സ്‌പോട്‌സ് വാര്‍ത്തകളും വിശേഷങ്ങളും. ഇത്തരം സ്‌പോട്‌സില്‍ പലര്‍ക്കും താല്‍പര്യമുള്ള ഒന്നാണ് ബീച്ച് വോളിബോള്‍.

പേര് സൂചിപ്പിക്കുന്നതു പോലെ ബീച്ച് രീതിയിലാണ് ഈ സ്‌പോട്‌സ്. അതായത് മണലിലാണ് ഈ കളി നടക്കുന്നത് എന്നതു തന്നെ. എന്നാല്‍ സാധാരണ ബീച്ചില്‍ പോയി കൡയ്ക്കുമ്പോള്‍, എന്തിന് നടന്നാല്‍ മതി, കൈകാലുകളിലും ദേഹത്തും മണലാകും. എന്നാല്‍ ബീച്ച് വോളിബോള്‍ കളിയ്ക്കുന്നവരെ ശ്രദ്ധിച്ചിട്ടുണ്ടോ, ഇവരുടെ ദേഹത്ത് ഒരു തരി മണല്‍ പോലുമാകില്ല. ഇതിന്റെ രഹസ്യമറിയണോ.

ഇവര്‍ കളിയ്ക്കുന്നത് യഥാര്‍ത്ഥ മണലിലല്ല എന്നതു തന്നെ കാരണം. ഈ കളിയ്ക്കായി പ്രത്യേകം തയ്യാറാക്കുന്ന മണലാണിത്. ഇന്റര്‍നാഷണല്‍ വോളിബോള്‍ ഫെഡറേഷനാണ് ഈ മണല്‍ തയ്യാറാക്കുന്നത്. വലുപ്പം കൂടിയ തരികളുള്ള, ദേഹത്ത് ഒട്ടിപ്പിടിക്കാത്ത തരം മണലാണ് കളിയ്ക്കായി ഇവര്‍ തയ്യാറാക്കുന്നത്. ഇതില്‍ വെള്ളാരങ്കല്ലുകളോ കക്കകളോ കാണില്ല.

ദേഹത്ത് ഒട്ടിപ്പിടിക്കില്ല എന്നു മാത്രമേയുള്ളൂ, ഇവ ദേഹത്തിനും വസ്ത്രങ്ങള്‍ക്കുമിടയില്‍ വീഴാന്‍ എളുപ്പമാണ്. ഇത് നീക്കം ചെയ്യാന്‍ അല്‍പം ബുദ്ധിമുട്ടാണുതാനും.

സ്ത്രീകള്‍ കളിയ്ക്കുന്ന ബീച്ച് വോളിബോളിനാണ് കൂടുതല്‍ ആരാധകള്‍. മണല്‍ കൊണ്ടല്ലാ, ഇതു കളിയ്ക്കുന്ന സ്ത്രീകളുടെ വസ്ത്രധാരരീതി കൊണ്ടാണെന്നു മാത്രം.