ഈ പങ്കുവയ്ക്കല്‍ വേണ്ട

അവനവന്റെ ചീപ്പ്, ഐലൈനര്‍, ലിപ്സ്റ്റിക്, ലിപ് ബാം എന്നിവ മറ്റുള്ളവരുമായി പങ്കു വയ്ക്കാതിരിക്കുന്നതാണ് നല്ലത്. ഇത് അസുഖങ്ങള്‍ വരെ വരുത്തി വയ്ക്കും.

സിഗരറ്റ് ഒരാള്‍ വലിച്ച് മറ്റൊരാള്‍ക്ക് കൈമാറുന്ന ശീലവും പലര്‍ക്കുമുണ്ട്. ഇതും ഒഴിവാക്കപ്പെടേണ്ട ഒന്ന്.

അവനവന്‍ ഉപയോഗിക്കുന്ന ചായ, കാപ്പിക്കപ്പുകള്‍ മറ്റുള്ളവര്‍ക്ക് ഉപയോഗിക്കാന്‍ കൊടുക്കേണ്ടതില്ല. ഇതും ആരോഗ്യകരമായ ശീലമല്ല.

വസ്ത്രങ്ങള്‍ പരസ്പരം മാറിയിടുന്ന ശീലം പലര്‍ക്കുമുണ്ട്. എന്നാല്‍ അടിവസ്ത്രങ്ങള്‍ ഈ ഗണത്തില്‍ പെടുത്തരുത്.

ഒരാള്‍ ഉപയോഗിക്കുന്ന ചെരിപ്പ് മറ്റൊരാള്‍ ഉപയോഗിക്കാതിരിക്കുന്നതാണ് നല്ലത്. ഇക്കാര്യം മനസില്‍ വയ്ക്കുക.

അവനവന്റെ ഡയറി യാതൊരു കാരണമവശാലും മറ്റുള്ളവര്‍ക്ക് കൈമാറരുത്. ഇത് സ്വകാര്യതയുടെ ലംഘനമാണെന്ന കാര്യം തിരിച്ചറിയുക.