കരീന കപൂറിന്റെ വിവാഹവിശേഷങ്ങള്‍

ഒടുക്കം കരീന കപൂര്‍ വിവാഹപ്പന്തലിലേക്ക്. ചോട്ട നവാബ് എന്നറിയപ്പെടുന്ന സെയ്ഫുമായി വര്‍ഷങ്ങള്‍ നീണ്ട പ്രണയത്തിനൊടുവിലാണ് ഒക്ടോബര്‍ 16ന് കരീന വിവാഹിതയാകുന്നത്.

ഭാവി അമ്മായിയമ്മയെ പറ്റി നൂറു ശതമാനം അഭിപ്രായമാണ് കരീനക്ക്. അവര്‍ വിശാല മനസുള്ളവരും പാരമ്പര്യ, ആധുനിക ഘടകങ്ങള്‍ കൂടിച്ചേര്‍ന്ന സ്ത്രീയാണെന്നും കരീന പുകഴ്ത്തുന്നു.

പട്ടൗഡി പാലസിനെ പറ്റിയും അഭിമാനം ഏറെയാണ് ഈ കപൂര്‍ പുത്രിക്ക്. പട്ടൗഡി പാലസിന്റെ ഇടനാഴികളിലൂടെ നടക്കാനുള്ള തന്റെ ആഗ്രഹം കരീന മറിച്ചു വയ്ക്കുന്നില്ല.. അവിടുത്തെ ഫയര്‍ പ്ലേസാണ് കരീനയ്ക്കു മനസിനു പിടിച്ച ഒരിടം. ഇവിടെ സെയ്ഫ് അലിഖാനുമൊത്ത്് കൂൂടുതല്‍ സമയം ചെലവഴിക്കാനാകുമെന്നും കരീന സ്വപ്‌നം കാണുന്നു.

കരീനയുടെ വിവാഹ വസ്ത്രത്തെ പറ്റിയും എടുത്തു പറയണം. പട്ടൗഡി കുടംബത്തിലെ പരമ്പരാഗത വേഷത്തിലായിരിക്കും കരീന വിവാഹിതയാകുക. 43 വര്‍ഷം മുന്‍പ് സെയ്ഫിന്റെ മാതാവ് ശര്‍മിള ടാഗോര്‍ ധരിച്ച ലാച്ച.

പട്ടൗഡി പാലസിലായിരിക്കും വിവാഹം നടക്കുക. വിവാഹത്തിന് കരീനയുടേയും സെയ്ഫിന്റെയും വസ്ത്രങ്ങളുടെ ഡിസൈനിംഗ് തുടങ്ങിക്കഴിഞ്ഞുവെന്നാണ് റിപ്പോര്‍ട്ടുകള്‍.