പാമ്പിനെ സ്വപ്‌നം കണ്ടാല്‍..

Insync

oi-Saritha

By Veena

Published: Tuesday, July 3, 2012, 11:14 [IST]

പാമ്പിനെ വിഷജീവിയായി കാണുന്നവരുണ്ട്. ദൈവമായി കണ്ട് ആരാധിക്കുന്നവരുണ്ട്. സര്‍പ്പങ്ങള്‍ക്കായി ക്ഷേത്രങ്ങളും കാവുകളുമുണ്ട്.

സ്വപ്‌നവും പാമ്പുമായി തീര്‍ത്താല്‍ തീരാത്ത ബന്ധമുണ്ട്. പാമ്പിനെ സ്വപ്‌നം കാണുന്നതിന് പല കാരണങ്ങളാലും പറയാറുണ്ട്. ഇതിലൊന്ന് സെക്‌സ് സിംപലാണ് പാമ്പെന്നതും കൂടിയാണ്.

പാമ്പ് വിവിധ രൂപങ്ങളിലായിരിക്കും സ്വപ്‌നത്തില്‍ വരിക. പലതരം സ്വപ്‌നങ്ങള്‍ക്ക് പലതരം അര്‍ത്ഥങ്ങളുമുണ്ട്.

പാമ്പുമായി പോരാടുന്നതായി സ്വപ്‌നം കണ്ടാല്‍ സ്വന്തം തീരുമാനങ്ങളുമായി നിങ്ങള്‍ യുദ്ധം ചെയ്യുകയാണെന്നാണ് അര്‍ത്ഥം. നിങ്ങള്‍ തന്നെ എടുത്ത ഒരു തീരുമാനം നിങ്ങള്‍ക്ക് പിരിമുറുക്കമുണ്ടാക്കുന്നുണ്ടെന്ന് അര്‍ത്ഥം.

പാമ്പിനെ പേടിച്ച് ഓടുന്നതായി സ്വപ്‌നം കണ്ടാല്‍ നിങ്ങളില്‍ നിന്നു തന്നെ നിങ്ങള്‍ ഒളിച്ചോടാന്‍ ശ്രമിച്ചുകൊണ്ടിരിക്കുകയാണെന്നര്‍ത്ഥം. അല്ലെങ്കില്‍ അഭിമുഖീകരിക്കേണ്ടി വരുന്ന ഏതെങ്കിലും സാഹചര്യത്തില്‍ നിന്നും ഒഴിഞ്ഞു മാറാന്‍ ശ്രമിച്ചു കൊണ്ടിരിക്കുകയാകാം.

പാമ്പ് കടിക്കുന്നതായി സ്വപ്‌നം കണ്ടാല്‍ എന്തെങ്കിലും അപകടം നിങ്ങള്‍ക്കടുത്തെത്തിയിട്ടുണ്ടെന്നാണ് അര്‍ത്ഥം. ഇത് വരാന്‍ പോകുന്ന ഏതെങ്കിലും ആപത്തിന്റെ സൂചനയായി കരുതാം.

നിറയെ പാമ്പുകളുള്ള കുഴിയില്‍ വീഴുന്നതായി സ്വപ്‌നം കണ്ടാല്‍ പ്രണയ ബന്ധത്തിലോ ഔദ്യോഗിക ജീവിതത്തിലോ ഒരു വീഴ്ച വരാന്‍ പോകുന്നുവെന്നാണ് അര്‍ത്ഥമാക്കുന്നത്.

പാമ്പ് സെക്‌സിനെ സൂചിപ്പിക്കുന്ന ഒന്നു കൂടിയാണ്. പാമ്പിനൊപ്പം ഉറങ്ങുന്നതോ പാമ്പ് ദേഹത്തിഴയുന്നതോ സ്വപ്‌നം കാണുന്നത് നിങ്ങളില്‍ ഉറങ്ങിക്കിടക്കുന്ന ലൈംഗിക തൃഷ്ണയെയാണ് കാണിക്കുന്നത്.