ഗോസിപ്പ്, ഗോസിപ്പ്...

Insync

oi-Saritha

By Veena

Published: Thursday, May 24, 2012, 14:40 [IST]

പരദൂഷണം പറയുന്നതില്‍ സ്ത്രീകള്‍ക്ക് എപ്പോഴും ഒന്നാംസ്ഥാനമായിരിക്കും. എന്താണ് ഇവര്‍ എപ്പോഴും അടക്കം പറയുന്നത്, പ്രയോജനമില്ലാത്ത കാര്യങ്ങളെക്കുറിച്ച് ഇവര്‍ സംസാരിക്കുന്നതെന്തിന് തുടങ്ങിയ ധാരാളം സംശയങ്ങള്‍ പുരുഷന്മാര്‍ക്ക് ഉണ്ടാവുന്നതും സ്വാഭാവികമാണ്. എപ്പോഴും നോണ്‍സ്‌റ്റോപ്പായി ഇവര്‍ സംസാരിക്കുന്നതെന്തിന് എന്ന സംശയവുമുണ്ടാകും.

എപ്പോഴും സ്ത്രീകള്‍ സംസാരിക്കുന്നതിന് കാരണം ഇത് അടിസ്ഥാനപരമായ ഒരു കാര്യം എന്നേ പറയാനാകൂ. ഇങ്ങനെ സംസാരിക്കുന്നത് ജന്മസിദ്ധമായ ഒരു കഴിവെന്നോ ദുശീലമെന്നോ പറയാം. പറയാനുള്ള വിഷയങ്ങള്‍ക്കും ഇവര്‍ക്ക് പഞ്ഞം കാണില്ല. കാരണം വലിയ ഗൗരവമുള്ള ലോകകാര്യങ്ങളല്ലാ, ഇവര്‍ സംസാരിക്കുക. അടുക്കള വിഷയങ്ങള്‍ മുതല്‍ പുതിയ ഫാഷനിലുള്ള വേഷം വരെ ഇവരുടെ ചര്‍ച്ചയില്‍ കടന്നു വരും.

പുരുഷന്മാരേക്കള്‍ അല്‍പം കൂടുതല്‍ അസൂയാലുക്കളായിരിക്കും സ്ത്രീകള്‍ എന്നതും ഒരു കാര്യമാണ്. ഇത് പ്രത്യേകിച്ചും മറ്റ് സ്ത്രീകളോട് തന്നെയായാരിക്കും. പണം, സൗന്ദര്യം, വസ്ത്രം, ആഡംബരം തുടങ്ങിയ ഏതു കാര്യങ്ങള്‍ക്കും സ്ത്രീകളെ അസൂയാലുക്കളാക്കാന്‍ സാധിക്കും. ഇത് പലപ്പോഴും മറ്റുള്ളവരെ കുറ്റം പറഞ്ഞു കൊണ്ടായിരിക്കും അവസാനിക്കുക. ഇതുവഴി സമാധാനമില്ലാത്ത ഒരു സമാധാനം അവര്‍ക്ക് ലഭിക്കുകയും ചെയ്യും.

മറ്റുള്ളവരുടെ വ്യക്തിപരമായ കാര്യങ്ങള്‍ തിരഞ്ഞറിയാനും ചര്‍ച്ച ചെയ്യാനും സ്ത്രീകള്‍ക്ക് വ്യഗ്രത കൂടും. ഇതും ഇവര്‍ക്കൊരു സംസാരവിഷയം തന്നെ.

സ്ത്രീകള്‍ ഒഴിവാക്കുന്ന ചില വിഷയങ്ങളെക്കുറിച്ചും അറിയണം. ക്രിക്കറ്റ്, രാഷ്ട്രീയം, സ്‌റ്റോക്ക് എക്‌സ്‌ചേഞ്ച് തുടങ്ങിയ വിഷയങ്ങള്‍ പൊതുവെ സ്ത്രീകള്‍ ഇഷ്ടപ്പെടാറില്ല. അതുകൊണ്ട് ചര്‍ച്ച ചെയ്യാറുമില്ല.

പൊതുവെ സ്ത്രീകളുടെ ഗോസിപ്പ് നിരുപദ്രവകരമായ കാര്യങ്ങളായിരിക്കും. ചിലപ്പോള്‍ ഇത്തരം ഗോസിപ്പുകള്‍ മറ്റുള്ളവരെ വേദനിപ്പിക്കുകയും ചെയ്യും.