'ഹോട്ട് അമ്മമാര്‍'

Insync

oi-Saritha PV

By Veena

Updated: Wednesday, May 10, 2017, 10:07 [IST]

മാതൃത്വത്തിന്റെ മഹത്വം ഓര്‍മ്മിപ്പിച്ചു കൊണ്ട് മദേഴ്‌സ് ഡെ വീണ്ടുമെത്തി. അമ്മയെന്ന പദത്തിന്റെ അര്‍ത്ഥം വിശദീകരിക്കാനാവില്ല. കാരണം അതിന് അത്രത്തോളം ആഴമുണ്ട്. ഒന്നിലേറെ രംഗത്ത് ശോഭിക്കുന്നവരാണ് നമ്മുടെ അമ്മമാര്‍.

കുഞ്ഞുണ്ടായിക്കഴിഞ്ഞാല്‍ ഉരുണ്ടു തടിച്ച്, ആ കാലമൊക്കെ പോയി. ഇന്നത്തെ സ്ത്രീകളെ എടുത്തു നോക്കൂ. സിനിമാക്കാരുടെ കാര്യം തന്നെയെടുക്കാം. ഒന്നോ രണ്ടോ കുഞ്ഞുങ്ങളുണ്ടെങ്കിലും പഴയ പ്രസരിപ്പോടെ, അതേ രൂപത്തില്‍ നടക്കുന്ന എത്രയോ നടിമാരുണ്ട്.

ബോളിവുഡായിരിക്കും ഇക്കാര്യത്തില്‍ ഒന്നാമത്. ഹോട്ട് അമ്മമാര്‍ ധാരാളമുള്ള ഒരിടമാണിത്. എടുത്തു പറയാവുന്ന ഉദാഹരണം ഐശ്വര്യറായ് തന്നെ. തല്‍ക്കാലം ഒന്നു തടിച്ചെങ്കിലും ഇവര്‍ വീണ്ടും സിനിമയില്‍ സജീവമാകാനുള്ള ഒരുക്കത്തിലാണെന്നാണ് അണിയറ സംസാരം. ഇവര്‍ക്ക് തടി കുറയ്ക്കുക ഒരു പ്രശ്‌നമാവില്ലതാനും.

മുന്നീ ബദ്‌നാം ഹുയീ എന്ന പാട്ടും പാടി സ്‌ക്രീന്‍ ഇളക്കിമറിക്കുന്ന മലൈക അറോറയെ നോക്കൂ. രണ്ട് ആണ്‍മക്കളുടെ അമ്മയാണ് ഇവരെന്ന് പറയുമോ. അത്ര നന്നായി ശരീരം സൂക്ഷിച്ചിരിക്കുന്നു മലൈക.

ബോളിവുഡ് സുന്ദരി ലാറ ദത്തയും ഈ ഗണത്തില്‍ പെടും. പ്രസവശേഷം ഇവര്‍ തന്റെ ശരീര വടിവ് ഏതാണ്ട് പൂര്‍ണമായിത്തന്നെ തിരിച്ചെടുത്തിരിക്കുന്നെന്ന് പുതിയ ഫോട്ടോകള്‍ തെളിയിക്കുന്നു.

മലയാളത്തിലും ഇത്തരം ഹോട്ട് അമ്മമാര്‍ കുറവല്ല. ശരീരവടിവിന് ഒരു തരി പോലും മങ്ങലേല്‍പ്പിക്കാത്ത ഒരു നടിയുണ്ട്. ദിവ്യ ഉണ്ണി. രണ്ടു കുഞ്ഞുങ്ങളുടെ അമ്മയായിട്ടും ഇവര്‍ ഇപ്പോഴും ഒരല്‍പം പോലും തടിച്ചിട്ടില്ലെന്നതാണ് വാസ്തവം. സിനിമിയില്‍ വീണ്ടും സജീവമായിട്ടില്ലെങ്കിലും നൃത്തലോകത്ത് ഇവര്‍ തിരക്കില്‍ തന്നെ.

നവ്യ നായര്‍, ഗോപിക, രേണുകാ മേനോന്‍ തുടങ്ങിയ നിര വേറെയുമുണ്ട്. പ്രസവം തടിപ്പിക്കാത്ത അമ്മമാര്‍.

ദത്തെടുക്കലെന്ന മഹത്തായ ആശയത്തിലൂടെ അമ്മയുടെ പദവി സ്വന്തമാക്കിയവരാണ് ബോളിവുഡ് നടി സുസ്മിത സെന്‍, പ്രശസ്ത നടി ശോഭന തുടങ്ങിയവര്‍.