ഇന്റര്‍വ്യൂവിന് പോകുമ്പോള്‍.....

Insync

oi-Saritha

By Veena

Published: Thursday, May 10, 2012, 13:04 [IST]

എത്ര കഴിവുണ്ടെങ്കിലും ജോലിക്കുള്ള ഇന്റര്‍വ്യൂവില്‍ പരാജയപ്പെടുന്നവരുണ്ട്. ഇതിന്റെ കാരണങ്ങള്‍ അന്വേഷിച്ചു തല പുകച്ചാലും ഉത്തരം കിട്ടാത്തവരുമുണ്ട്. ഇന്റര്‍വ്യൂവിന് എങ്ങനെ നല്ലപോലെ തയ്യാറെടുക്കാമെന്നു നോക്കൂ.

ആദ്യമായി വേണ്ടത് ഏതു സ്ഥാപനത്തിലേക്കാണോ പോകാന്‍ പോകുന്നത്, അതേപ്പറ്റി വ്യക്തമായ അറിവു നേടുകയെന്നതാണ്. അവരുടെ വെബ്‌സൈറ്റില്‍ പോയി കഴിയാവുന്നത്ര വിവരങ്ങള്‍ ശേഖരിക്കാം. ഇന്റര്‍വ്യൂ ചെയ്യാന്‍ പോകുന്നയാളുടെ വിവിവരങ്ങളും ശേഖരിക്കാം.

ഇന്റര്‍വ്യൂ പ്രാക്ടീസ് ചെയ്യാം. കണ്ണാടിക്കു മുന്നിലിരുന്നോ അല്ലെങ്കില്‍ തനിയെ ഇത്തരമൊരു അന്തരീക്ഷം ഉണ്ടാക്കിയോ ഇന്റര്‍വ്യൂവില്‍ പങ്കെടുക്കുന്നതായി സ്വയം സങ്കല്‍പിച്ച് പരിശീലനം നേടുന്നത് നന്നായിരിക്കും.

ഡ്രസ് കോഡും പ്രധാനം. വളരെ വൃത്തിയായി ഔദ്യോഗിക വേഷവിധാനങ്ങളോടു കൂടിത്തന്നെ അഭിമുഖത്തില്‍ പങ്കെടുക്കുന്നത് വളരെ പ്രധാനം. തിളങ്ങുന്നതും അധികം ഫാഷനുള്ളതുമായ വസ്ത്രങ്ങള്‍ ഒഴിവാക്കുന്നതായിരിക്കും നല്ലത്.

നിങ്ങളുടെ റെസ്യൂമയെപ്പറ്റി നിങ്ങള്‍ക്കു തന്നെ കൃത്യമായ അറിവു വേണം. അതിലെ ഓരോ കാര്യങ്ങളും മനപാഠമായിരിക്കണം.

ആത്മവിശ്വാസം അഭിമുഖത്തില്‍ പങ്കെടുക്കുമ്പോള്‍ വളരെ പ്രധാനം. ആത്മവിശ്വാസവും എളിമയും വേണം. എന്നാല്‍ താണു കൊടുക്കുകയുമരുത്. പറയുന്ന വാക്കുകളില്‍ ഉറപ്പു വേണം. അറിയാത്ത ചോദ്യങ്ങള്‍ വന്നാല്‍ ചാടിക്കളിക്കാതെ അറിയില്ലെന്ന് തുറന്നു പറയുക. ഇത്തരം കാര്യങ്ങള്‍ ഇന്റര്‍വ്യൂ വിജയകരമായി നേരിടുന്നതിന് സഹായിക്കും.