പാരിസിലെ പെണ്ണുങ്ങള്‍ക്ക് ഇനി ട്രൗസറുടുക്കാം

Insync

oi-Shinod E

By Shinod E

Published: Thursday, July 28, 2011, 17:47 [IST]

പാരിസ്: ഫ്രാന്‍സിന്റെ തലസ്ഥാനനഗരിയില്‍ സ്ത്രീകള്‍ ട്രൗസര്‍ ധരിച്ചു നടക്കരുതെന്ന 200 വര്‍ഷം പഴക്കമുള്ള നിയമം പിന്‍വലിക്കുന്നു.

1979ല്‍ അന്നത്തെ പാരിസ് പോലിസ് മേധാവിയാണ് ഈ നിയമം കൊണ്ടു വന്നത്. പുരുഷന്മാരെ പോലെ വസ്ത്രം ധരിക്കാന്‍ ആഗ്രഹിക്കുന്ന സ്ത്രീകളുണ്ടെങ്കില്‍ പോലിസില്‍ നിന്നു പ്രത്യേക അനുമതി വാങ്ങണമെന്ന് നിയമം നിഷ്‌കര്‍ഷിച്ചിരുന്നു. ചികില്‍സാ സംബന്ധമായ വല്ല ആവശ്യമുണ്ടെങ്കില്‍ മാത്രമാണ് അന്നു പോലിസ് അനുമതി നല്‍കിയിരുന്നത്. ചുരുക്കത്തില്‍ കാല് കാണിച്ചു നടക്കണമെങ്കില്‍ ഡോക്ടറില്‍ നിന്ന് സര്‍ട്ടിഫിക്കറ്റ് വാങ്ങണമായിരുന്നു.

എന്നാല്‍ ഇക്കാലത്ത് ആര്‍ക്കും തന്നെ ഈ നിയമത്തെ കുറിച്ച് അറിയാത്തതുകൊണ്ട് കേസുകളൊന്നും തന്നെ രജിസ്റ്റര്‍ ചെയ്തിരുന്നില്ല.
പക്ഷേ, ഇപ്പോഴും നിലനില്‍ക്കുന്നതിനാല്‍ ഈ നിയമം ഒഴിവാക്കണമെന്നാവശ്യപ്പെട്ട് സെനറ്റിലെ വനിതാ അംഗങ്ങള്‍ രംഗത്തെത്തിയതോടെയാണ് വീണ്ടും ചര്‍ച്ചാ വിഷയമായത്.. എന്തായാലും പാരീസിലെ പെണ്ണുങ്ങളെല്ലാം ഇത്തരമൊരു നിയമത്തെ കുറിച്ചറിഞ്ഞ് ഞെട്ടിയിരിക്കും. കാരണം നിയമം നോക്കിയിരുന്നെങ്കില്‍ ഭൂരിഭാഗം പേരും ഇപ്പോള്‍ ജയിലിലായിരിക്കുമെന്നുറപ്പാണ്.