സ്ത്രീകള്‍ പരദൂഷണം പറയുന്നത് 5മണിക്കൂര്‍!!

Insync

oi-Siji KM

By Lakshmi

Published: Wednesday, August 17, 2011, 11:59 [IST]

സ്ത്രീകള്‍ പരദൂഷണപ്രിയരാണെന്നകാര്യം മറയില്ലാത്തൊരു സത്യമാണ്. അവര്‍ ഇത് അംഗീകരിക്കില്ലെങ്കില്‍ കൂടി പരദൂഷണം പറയുകയെന്നത് സ്ത്രീകളുടെ ഒരു വീക്‌നെസ്സാണ്. ദിവസത്തില്‍ ഒരു പരദൂഷണമെങ്കിലും പറയാത്ത സ്ത്രീയില്ലെന്നാണ് പുരുഷന്മാര്‍ പറയാറുള്ളത്.

ബ്രിട്ടനില്‍ അടുത്തിടെ ഇതുസംബന്ധിച്ച് ഒരു സര്‍വ്വേ നടന്നു. ബ്രിട്ടീഷുകാരികള്‍ പരദൂഷണം പറയാന്‍ ദിവസം ശരാശരി 298 മിനിറ്റ്(ഏതാണ്ട് 5 മണിക്കൂര്‍) ചെലവഴിയ്ക്കുന്നുവെന്നാണ് സര്‍വ്വേയില്‍ കണ്ടെത്തിയത്. ഫസ്റ്റ്ക്യാപ് കഫെ കളക്ഷന്‍സ് എന്ന സ്ഥാപനമാണ് രസകരമായ സര്‍വ്വേ നടത്തിയത്.

ദിവസം 298 മിനിറ്റ് എന്ന് പറയുന്നത് ഉണര്‍ന്നിരിക്കുന്ന സമയത്തിന്റെ മൂന്നിലൊന്നാണ് അതായത്, ജീവിതത്തില്‍ ഉണര്‍ന്നിരിക്കുന്നതിന്റെ മൂന്നിലൊന്ന് ഭാഗം! ആര് ആരെ ഡേറ്റ് ചെയ്യുന്നു, മറ്റുള്ളവരുടെ കുട്ടികളുടെ പ്രശ്‌നങ്ങള്‍, സെക്‌സ്, ഷോപ്പിംഗ് തുടങ്ങിയ കാര്യങ്ങളാണ് ബ്രിട്ടീഷ് വനിതകളുടെ പരദൂഷണത്തില്‍ പ്രധാനമായും കടന്നുവരുന്ന വിഷയങ്ങളെന്നും സര്‍വെ നടത്തിയവര്‍ ചൂണ്ടിക്കാണിക്കുന്നു.

എന്തുതരം സൗന്ദര്യവര്‍ദ്ധക ശസ്ത്രക്രിയയാണ് തങ്ങള്‍ ഇഷ്ടപ്പെടുന്നത്, സ്വകാര്യതകളില്‍ ഏത് സെലിബ്രിറ്റിയാണ് ഓര്‍ക്കുന്നത് എന്ന് വരെ പരദൂഷണം പറച്ചിലില്‍ ഉള്‍പ്പെടുന്നുണ്ടത്രേ!
സ്ത്രീകള്‍ ദിവസം 24 മിനിറ്റ് നീക്കിവയ്ക്കുന്നത് ശരീരഭാരം, ഭക്ഷണം, വസ്ത്ര ഇത്യാദികാര്യങ്ങളെക്കുറിച്ച്് ചര്‍ച്ച ചെയ്യാനാണത്രേ.

ഏറ്റവും അടുത്ത സുഹൃത്തുക്കളോടായിരിക്കും സ്ത്രീകള്‍ ഏറ്റവും കൂടുതല്‍ പരദൂഷണം പറയുക. എന്നാല്‍, പങ്കാളിയോടും കുടുംബാംഗങ്ങളോടും സംസാരിക്കുമ്പോള്‍ ഇത്തരം കാര്യങ്ങളൊന്നും ചര്‍ച്ച ചെയ്യാന്‍ സ്ത്രീകള്‍ ഇഷ്ടപ്പെടില്ലെന്നാണ് സര്‍വ്വേ റിപ്പോര്‍ട്ടില്‍ പറയുന്നത്.