സ്ത്രീകള്‍ക്ക് സെക്‌സിനേക്കാള്‍ പ്രിയം ഗെയിം

Insync

oi-Siji KM

By Lakshmi

Published: Saturday, July 16, 2011, 15:44 [IST]

സ്ത്രീകള്‍ക്ക് ലൈംഗികബന്ധത്തിലേര്‍പ്പെടുന്നതിനേക്കാള്‍ താല്‍പര്യം കമ്പ്യൂട്ടര്‍ ഗെയിമുകളിലാണെന്ന് പഠനറിപ്പോര്‍ട്ട്. ഡെട്രോയിറ്റില്‍ നടത്തിയ ഒരു സര്‍വ്വേയിലാണ് ഇക്കാര്യം കണ്ടെത്തിയിരിക്കുന്നത്.

സര്‍വ്വേയില്‍ പങ്കെടുത്ത സ്ത്രീകളില്‍ ഭൂരിഭാഗം പേരും തങ്ങള്‍ക്ക് സെക്‌സിനേക്കാള്‍ താല്‍പര്യം കമ്പ്യൂട്ടര്‍ ഗെയിമുകളിലാണെന്നാണ് പറഞ്ഞിരിക്കുന്നത്. സര്‍വ്വേയില്‍ പങ്കെടുത്തവരില്‍ 49ശതമാനത്തോളം പേരും തങ്ങള്‍ ക്മ്പ്യൂട്ടര്‍ ഗെയിമുകള്‍ക്ക് അടിമകളാണെന്ന സത്യവും വെളിപ്പെടുത്തി.

സര്‍വ്വേയില്‍ പങ്കെടുത്ത പുരുഷന്മാരില്‍ അമ്പത്് ശതമാനത്തിന്റെയൂം അവസ്ഥ ഇതാണ്. ഇവര്‍ തങ്ങള്‍ക്ക് ലഭിയ്ക്കുന്ന മൊത്തം സമയത്തിന്റെ 22.3ശതമാനവും കമ്പ്യൂട്ടര്‍ ഗെയിം കളിച്ചാണ് ചെലവഴിയ്ക്കുന്നത്. സ്ത്രീകള്‍ ഇക്കാര്യത്തില്‍ ഒരുപടി മുന്നിലാണ് അവര്‍ 23.2ശതമാനം സമയവും കളിച്ചുതീര്‍ക്കുന്നു.

സ്ത്രീകളില്‍ അഞ്ചില്‍ ഒരാള്‍ എന്ന നിലയില്‍ പറയുന്നത് കിടപ്പറയില്‍പ്പോലും തങ്ങള്‍ കമ്പ്യൂട്ടര്‍ ഗെയിം കളിയ്ക്കുന്നുണ്ടെന്നാണ്. പലരും മൊബൈല്‍ ഫോണുകളാണ് ഇതിനായി ഉപയോഗിക്കുന്നത്.

റിലേഷന്‍ഷിപ്പ് തെറാപ്പിസ്റ്റുകളും, മാനസികരോഗവിദഗ്ധരുമെല്ലാം പറയുന്നത് ആളുകള്‍ വെര്‍ച്വല്‍ ജീവിതത്തിലേയ്ക്ക് വഴിമാറിക്കൊണ്ടിരിക്കുന്നത് പലപ്പോഴും ബന്ധങ്ങളുടെ ദൃഢത നഷ്ടപ്പെടുത്തുന്നുവെന്നാണ്. ഇത് വിവാഹജീവിതങ്ങള്‍ താറുമാറാകുന്നതിനും ജീവിത പങ്കാളിയേയ്ക്കാള്‍ ഇന്റര്‍നെറ്റ് സുഹൃത്തുമായി അടുപ്പം കൂടുന്നതിനും കാരണമാകുന്നു.