ഷോപ്പിങ് മാളില്‍ മുലയൂട്ടല്‍ മാമാങ്കം

ഈ മാസം 19 മുതല്‍ 25വരെ നടക്കുന്ന ദേശീയ മുലയൂട്ടല്‍ വാരാചരണത്തോട് അനുബന്ധിച്ചാണ് പരിപാടി സംഘടിപ്പിച്ചത്. ഈ മാസം 19 മുതല്‍ 25വരെയാണ് മുലയൂട്ടല്‍ വാരമായി പ്രഖ്യാപിച്ചിരിക്കുന്നത്. മുലയൂട്ടുന്നത് കുഞ്ഞിന് മാത്രമല്ല അമ്മമാര്‍ക്കും നല്ലതാണെന്ന സന്ദേശമാണ് തങ്ങള്‍ ഇതിലൂടെ നല്‍കാന്‍ ഉദ്ദേശിക്കുന്നതെന്ന് ക്യാമ്പയിനില്‍ പങ്കെടുത്തവര്‍ പറഞ്ഞു.

മാളില്‍ ഷോപ്പിങിനെത്തിയവരും അമ്മാരുടെ ഈ വേറിട്ട ബോധവത്ക്കരണ പരിപാടിയെ അനുകൂലിച്ചു. ജനത്തെ ബോധവത്ക്കരിയ്ക്കാന്‍ ഇതിലും നല്ല വഴിയില്ലെന്ന് അവര്‍ പറഞ്ഞു.

ശിശുക്കളില്‍ ഉണ്ടാകുന്ന സാധാരണ പ്രശ്‌നങ്ങളായ ഡയേറിയ, ചെവിയിലുണ്ടാകുന്ന അണുബാധ തുടങ്ങിയവ തടയുന്നതിനും രോഗപ്രതിരോധ ശേഷി വര്‍ദ്ധിപ്പിക്കുന്നതിനും മുലയൂട്ടലിലൂടെ സാധിക്കുമെന്ന് ഈ പരിപാടിയുടെ സംഘാടകരിലൊരാളായ ആലിസണ്‍ ഹീലി പറഞ്ഞു. മാത്രമല്ല മുലയൂട്ടുമ്പോള്‍ മാതാവിന്റെ ആരോഗ്യത്തിനും അത് നല്ലതാണെന്നും അവര്‍ ചൂണ്ടിക്കാട്ടി.