വനിതകളുടെ പുതിയമുഖത്തിന് പൃഥ്വിയുടെ പിന്തുണ

Insync

oi-Vijesh Krishna

By Ajith Babu

Published: Tuesday, May 31, 2011, 10:54 [IST]

കേരള വനിതാ വികസന കോര്‍പ്പറേഷന് പുതിയ മുഖം. സംസ്ഥാനത്തെ വനിതകളുടെ ഉന്നമനത്തിനും ക്ഷേമത്തിനും പ്രവര്‍ത്തിയ്ക്കുന്ന സംഘടന പുതിയ ലോഗോയും തീംസോങും ആവിഷ്‌ക്കരിച്ചാണ് പുതിയ മുഖം തേടുന്നത്.

മുഖ്യമന്ത്രി ഉമ്മന്‍ ചാണ്ടിയുടെ ആദ്യ പൊതുപരിപാടിയിലാണ് ലോഗോയും തീംസോങും പ്രകാശനം ചെയ്തത്. സാമൂഹ്യരാഷ്ട്രീയ കലാരംഗങ്ങളില്‍ നിന്നുള്ള ഒട്ടേറെപ്പേര്‍ ചടങ്ങില്‍ സംബന്ധിച്ചിരുന്നു.

മുഖ്യമന്ത്രി ഉമ്മന്‍ ചാണ്ടിയാണ് ലോഗോ പ്രകാശനം ചെയ്തത്. സാമൂഹ്യക്ഷേമ വകുപ്പ് മന്ത്രി എംകെ മുനീര്‍ തീംസോങിന്റെ സിഡി നടന്‍ പൃഥ്വിരാജിന് കൈമാറി.

വനിതാ വികസന കോര്‍പ്പറേഷന് എല്ലാ പിന്തുണയും ഉണ്ടാവുമെന്നും പൃഥ്വിരാജ് ഉറപ്പുനല്‍കി. നടിയും സംവിധായികയുമായ രേവതി, മോഡല്‍ പാര്‍വതി ഓമനക്കുട്ടന്‍, കവിയത്രി സുഗതകുമാരി, എഡിറ്റര്‍ ബീനാ പോള്‍, കൂടിയാട്ടം കലാകാരി കപില വേണു തുടങ്ങിയവര്‍ ചടങ്ങില്‍ പങ്കെടുത്തിരുന്നു.