പ്രതിയുടെ പൊണ്ണത്തടി മൂലം കേസ് മാറ്റി

Insync

oi-Vijesh Krishna

By Ajith Babu

Published: Tuesday, May 24, 2011, 13:04 [IST]

ലണ്ടന്‍: പൊണ്ണത്തടിമൂലം കോടതിയിലെത്താന്‍ കഴിയാത്ത വനിതാ പ്രതിക്ക് വേണ്ടി കേസ് മാറ്റിവെയ്ക്കാന്‍ കോടതി ഉത്തരവിട്ടു. ലണ്ടന്‍ ക്രൗണ്‍ കോടതിയുടെ പടികള്‍ കയറാന്‍ കഴിയാത്ത 43 കാരിയായ ബിവര്‍ലെ ഡഗ്ലസിനു വേണ്ടിയാണ് കേസ് മാറ്റിയത്. 13 വഞ്ചനാകേസുകളില്‍ പ്രതിയാണിവര്‍.

ഗോവണി ചെറുതും ഇടുങ്ങിയതും ആയതിനാല്‍ കോടതിയില്‍ വരാന്‍ കഴിയില്ലെന്ന് ബിവെര്‍ലി കോടതിമുറിയ്ക്ക് പുറത്തുവെന്ന് ജഡ്ജി റോജര്‍ ചാപ്പലിനെ അറിയിച്ചു. ഇത് അംഗീകരിച്ച ജഡ്ജി കേസ് മാറ്റിവയ്ക്കുകയാണെന്നും പിന്നീട് കോടതിയ്ക്ക് പുറത്തുവെച്ച് വാദം കേള്‍ക്കുമെന്നും അറിയിച്ചു.

തടികൂടിയ പ്രതിക്കുവേണ്ടി കേസ് മാറ്റുന്നത് ബ്രിട്ടണില്‍ ആദ്യമാണെന്ന് പറയപ്പെടുന്നു.