ബ്ലൗസ് കേടുവരുത്തി; നഷ്ടപരിഹാരം 2000 രൂപ

Insync

oi-Vijesh Krishna

By Ajith Babu

Published: Wednesday, May 18, 2011, 10:18 [IST]

മുംബൈ: ഡ്രൈക്ലീന്‍ ചെയ്യാന്‍ കൊടുത്ത ബ്ലൗസ് കേട് വരുത്തിയതിന് നഷ്ടപരിഹാരമെന്ന നിലയില്‍ യുവതിക്ക് രണ്ടായിരും രൂപ നല്‍കാന്‍ ഡ്രൈക്ലീന്‍ സെന്റര്‍ ഉടമയ്ക്കു മുംബൈ അമരാവതി ഉപഭോക്തൃ തര്‍ക്ക പരിഹാര ഫോറം നിര്‍ദേശം നല്‍കി.

കഴിഞ്ഞവര്‍ഷം നവംബര്‍ 23നാണ് സോനാലി പഞ്ചല്‍ ഒരു സാരി, ബ്ലൗസ്, ഒരു പാന്റ് എന്നിവ ഡ്രൈക്ലീന്‍ ചെയ്യാന്‍ സര്‍ദാര്‍ വാഷിംഗ് കമ്പനിയില്‍ നല്‍കിയത്. നവംബര്‍ 30ന് ഇവ തിരികെ കിട്ടിയപ്പോള്‍ ബ്ലൗസ് പൂര്‍ണമായും നശിച്ച നിലയിലായിരുന്നു. ഇക്കാര്യം കടയുടമയുടെ ശ്രദ്ധയില്‍പ്പെടുത്തി. എന്നാല്‍ താന്‍ അത്തരമൊരു ബ്ലൗസ് വാങ്ങിയിട്ടേ ഇല്ലെന്ന നിലപാടിലായിരുന്നു കടയുടമ.

തുടര്‍ന്ന് ആയിരം രൂപ നഷ്ടപരിഹാരവും ര2000 രൂപ തനിക്കു നേരിട്ട മനഃക്ലേശത്തിനു പരിഹാരവുമായും 2000 രൂപ കേസ് ഫയല്‍ ചെയ്യാനുള്ള ചെലവായും കമ്പനി ഉടമയില്‍ നിന്ന് ആവശ്യപ്പെട്ട് ഉപഭോക്തൃ ഫോറത്തെ സമീപിക്കുകയായിരുന്നു.

കടയുടമ കള്ളം പറയുകയാണെന്നു ബോധ്യപ്പെട്ട ഫോറം പഞ്ചലിന് 500 രൂപ ബ്ലൗസിനും 500 രൂപ മനഃക്ലേശത്തിനു പരിഹാരമായും ആയിരം രൂപ കേസ് നടത്തിപ്പിനുള്ള ചെലവായും നല്‍കാന്‍ വിധിക്കുകയായിരുന്നു.