മാതൃദിനത്തില്‍ പൂച്ചനടത്തവുമായി ഗര്‍ഭിണികള്‍

ഇവര്‍ക്ക് പ്രോത്സാഹനവും പിന്തുണയുമായി ഭര്‍ത്താക്കന്മാരും എത്തിയതോടെ ഫാഷന്‍ ഷോ തീര്‍ത്തും ശ്രദ്ധേയവും വ്യത്യസ്തവുമായി മാറി.

ബാംഗ്ലൂര്‍ ക്ലൗഡ് നയന്‍ ഹോസ്പിറ്റലിന്റെ നേതൃത്വത്തിലാണു ഫാഷന്‍ ഷോ സംഘടിപ്പിച്ചത്. മുന്‍ മിസ് ഇന്ത്യയും കൊറിയോഗ്രാഫറുമായ ശ്രുതാ കീര്‍ത്തി തയ്യാറാക്കിയ വസ്ത്രങ്ങളണിഞ്ഞാണ് സുന്ദരികള്‍ ഫാഷന്‍ ഷോയില്‍ പങ്കെടുത്തത്.

അമ്മമാരാകാന്‍ തയ്യാറെടുക്കുന്നവരുടെ റാമ്പിലെ ചുവടുകള്‍ കണ്ടപ്പോള്‍ കുട്ടികളുമായെത്തിയ അമ്മമാരും റാമ്പില്‍ ചുവടുവയ്ക്കാന്‍ തയ്യാറായി എത്തി. തുടര്‍ന്ന് സംഘാടകര്‍ അമ്മമാര്‍ക്കും കുട്ടുകള്‍ക്കുമായി മറ്റൊരു ഷോയും സംഘടിപ്പിച്ചു.

മാതൃദിനത്തിന്റെ പ്രസക്തി ഏവര്‍ക്കും പരിചയപ്പെടുത്തുക എന്ന ലക്ഷ്യവുമായാണ് വ്യത്യസ്തമായ ഈ പരിപാടി നടത്തുന്നതെന്ന് ക്ലൗഡ് നയന്‍ മാനേജിങ് ഡയറക്ടര്‍ ആര്‍. കിഷോര്‍ പറഞ്ഞു.