പെണ്‍കുട്ടികളെ വിഷം കൊടുത്ത് കൊല്ലണം; സല്‍മ

By Ajith Babu

Published: Friday, February 11, 2011, 10:54 [IST]

ദില്ലി: ജനിയ്ക്കുമ്പോള്‍ തന്നെ മാതാപിതാക്കള്‍ പെണ്‍കുട്ടികളെ വിഷം കൊടുത്തു കൊല്ലണമെന്ന ഉപരാഷ്ട്രപതി ഹമീദ് അന്‍സാരിയുടെ ഭാര്യ സല്‍മ അന്‍സാരിയുടെ പ്രസ്താവന വിവാദമാവുന്നു.

പെണ്‍കുട്ടികള്‍ സമൂഹത്തില്‍ നിന്നു നേരിടുന്ന പ്രശ്‌നങ്ങള്‍ ചൂണ്ടിക്കാട്ടി പോസറ്റീവായാണ് സല്‍മ ഇതുപറഞ്ഞെങ്കിലും വാക്കുകളുടെ രൂക്ഷത വിവാദത്തിനിടയാക്കുകയായിരുന്നു. പെണ്‍കുട്ടികള്‍ക്കെതിരെ ഏറി വരുന്ന കുറ്റകൃത്യങ്ങളുടെ പശ്ചാത്തലത്തിലായിരുന്നു സല്‍മയുടെ പ്രസ്താവന.

നേരത്തേ വനിതാ സംവരണ ബില്ലിനെതിരെ ഇവര്‍ നടത്തിയ പ്രസ്താവനയും വിവാദമായിരുന്നു. താഴെ തട്ടിലുള്ള സ്ത്രീകളെ ബോധവത്കരിക്കാതെ വനിതാ സംവരണ ബില്‍ കൊണ്ട് യാതൊരു പ്രയോജനവും ഇല്ലെന്നായിരുന്നു സല്‍മയുടെ നിലപാട്.

സ്ത്രീകള്‍ക്കു വേണ്ടി സര്‍ക്കാര്‍ ഒട്ടേറെ പദ്ധതികളും സ്‌കീമുകളും നടപ്പാക്കി. എന്നാല്‍ ഇതിന്റെ പ്രയോജനം അവരിലെത്തി ചേരുന്നില്ല. സ്ത്രീകളെ ബോധവത്ക്കരിയ്ക്കുകയും അവര്‍ വിദ്യാഭ്യാസം നല്‍കുകയുമാണ് വേണ്ടത്. അല്ലാതെ ഇത്തരം വെറും നിയമങ്ങള്‍ അവര്‍ക്ക് ഗുണകരമാവില്ലെന്നും സല്‍മ പറഞ്ഞു.