പെണ്‍കുട്ടികള്‍ ബാധ്യതയെന്ന് വനിതാ ജഡ്ജി

സുപ്രീംകോടതിയില്‍ ഇപ്പോഴുള്ള ഏക വനിതാ ജഡ്ജി ജ്ഞാന്‍ സുധാ മിശ്രയാണ് വിവാദത്തില്‍ പെട്ടിരിക്കുന്നത്.

കോടതിയുടെ വെബ്‌സൈറ്റില്‍ പ്രസിദ്ധീകരിച്ചിരിക്കുന്ന ജഡ്ജിമാരുടെ സമ്പാദ്യത്തിന്റെയും ബാധ്യതയുടെയും പട്ടികയിലാണ് അവിവാഹിതകളായ രണ്ട് പെണ്‍മക്കളെ ഇവര്‍ മറ്റ് ബാധ്യതകളുടെ കോളത്തില്‍ ഉള്‍പ്പെടുത്തിയിരിക്കുന്നത്.

ഇതിനെതിരെ വിവിധ വനിതാ സംഘടനകള്‍ രംഗത്ത് എത്തിക്കഴിഞ്ഞു. പെണ്‍മക്കളുടെ വിവാഹച്ചെലവും വിരമിച്ച ശേഷം പുതിയൊരു വീട് വയ്ക്കുന്നതുമാണ് മറ്റ് ബാധ്യതകളുടെ കോളത്തില്‍ ഉള്‍പ്പെടുത്തിയിരിക്കുന്നത്.

സ്ത്രീകള്‍ക്കും പുരുഷന്‍മാര്‍ക്കും സമത്വം ഉറപ്പ് നല്‍കുന്ന ഭരണഘടന ഉയര്‍ത്തിപ്പിടിക്കേണ്ട ജഡ്ജി ഇത്തരത്തില്‍ പെണ്‍കുട്ടികളോട് വേര്‍തിരിവ് കാണിക്കരുതായിരുന്നു എന്നാണ് വനിതാ സംഘടനകള്‍ കുറ്റപ്പെടുത്തുന്നത്.

ജാര്‍ഖണ്ഡ് ഹൈക്കോടതിയിലെ ആദ്യ വനിതാ ചീഫ് ജസ്റ്റിസായിരുന്നു ജ്ഞാന്‍ സുധ മിശ്ര.