പാര്‍ക്കിങ് സ്‌കില്‍ പെണ്‍മനം കവരും

വെറുതെ പറയുകയല്ല നല്ലസ്വഭാവം വ്യക്തിത്വം എന്നതിനെയൊക്കെപ്പോലെ തന്നെ സ്ത്രീകളുടെ മനം കവരുന്ന ഒരു ഗുണമാണ് നല്ല പാര്‍ക്കിങ് സ്‌കില്‍. ബ്രിട്ടനില്‍ കാര്‍ അസസ്സറീസ് റീടെയ്‌ലര്‍ ഹാള്‍ഫോര്‍ഡ് നടത്തിയ സര്‍വ്വേയിലാണ് സ്ത്രീകളുടെ ഈ ഇന്ററസ്റ്റ് വെളിച്ചത്തുവന്നത്.

കാര്‍ പാര്‍ക്കു ചെയ്യുക, പെട്ടെന്ന് വാഹനം ബ്രെയ്ക് ഡൗണ്‍ ആയാല്‍ എന്തുചെയ്യണം, മനോഹരമായി ഡ്രൈവ് ചെയ്യുക എന്നിങ്ങനെയുള്ള ഗുണങ്ങളൊക്കെ തങ്ങള്‍ നോക്കാറുണ്ടെന്നാണ് സ്ത്രീകള്‍ പറഞ്ഞിരിക്കുന്നത്.

സര്‍വ്വേയില്‍ പങ്കെടുത്തവരില്‍ രണ്ടില്‍ ഒരാള്‍ എന്ന നിലയില്‍ പുരുഷന്മാരുടെ ഇത്തരം സ്‌കില്ലുകള്‍ തങ്ങളെ ആകര്‍ഷിക്കാറുണ്ടെന്നാണ് പറഞ്ഞിരിക്കുന്നത്. നല്ല ഡ്രൈവിങ്ങിന് പി്ന്നാലെ പുരുഷന്മാരില്‍ തങ്ങള്‍ ഇഷ്ടപ്പെടുന്ന കാര്യമെന്തെന്നുള്ള ചോദ്യത്തിനാണ് വളരെ പരിമിതമായ സ്ഥലത്ത് ബുദ്ധിപരമായി വാഹനം പാര്‍ക്കു ചെയ്യുന്ന ക്വാളിറ്റിയെന്ന് സ്ത്രീകള്‍ ഉത്തരം നല്‍കിയത്.

സര്‍വ്വേയില്‍ പങ്കെടുത്ത 46ശതമാനം സ്ത്രീകളും യാത്രപോകുമ്പോള്‍ ഭക്ഷണവും മറ്റും പൊതിഞ്ഞെടുക്കാനുള്ള പുരുഷന്മാരുടെ കഴിവിനോടും മതിപ്പാണെന്നാണ് പറഞ്ഞിരിക്കുന്നത്. കുടുംബമൊത്ത് സ്വന്തം വാഹനത്തില്‍ യാത്രചെയ്യുമ്പോള്‍ ഡ്രൈവിങ് സ്ത്രീകള്‍ ഏറ്റെടുക്കുന്നത് ചൂണ്ടിക്കാണിച്ചുകൊണ്ടായിരുന്നു സര്‍വ്വേ.