ഗര്‍ഭിണിയാണെന്നറിയാതെ ജൂഡിയുടെ 10മാസം

Insync

oi-Siji KM

By Lakshmi

Published: Thursday, November 25, 2010, 12:41 [IST]

ലണ്ടന്‍: ഗര്‍ഭിണിയായ കാര്യം അറിയാതെ ബ്രിട്ടനിലെ ലിവര്‍പൂളില്‍ ഇരുപത്തിയഞ്ചുകാരി പ്രസവിച്ചു. ജൂഡീ കെന്നയാണ് ഗര്‍ഭിണിയായത് തിരിച്ചറിയാതെ പത്തുമാസം കുഞ്ഞിനെ വയറ്റില്‍ കൊണ്ടുനടന്നത്.

കഴിഞ്ഞ ദിവസം വയറുവേദന അസഹ്യമായപ്പോള്‍ ജൂഡി ചൂടുവെള്ളത്തില്‍ കുളിയ്ക്കാന്‍ തീരുമാനിച്ചു. എന്നാല്‍ കുളിയ്ക്കാനൊരുങ്ങുന്നതിന് മുമ്പുതന്നെ ജൂഡി ഒരു പെണ്‍കുഞ്ഞിന് ജന്മം നല്‍കുകയായിരുന്നു.

സംഭവത്തില്‍ ഡോക്ടര്‍മാരെല്ലാം അത്ഭുതം പ്രകടിപ്പിച്ചിരിക്കുകയാണ്. ആദ്യം കുഞ്ഞ് മാസംതികയാതെയാണ് ജനിച്ചതെന്ന് കരുതി പരിശോധിച്ചെങ്കിലും കുട്ടിയ്ക്ക ്പൂര്‍ണവളര്‍ച്ചയെത്തിയിട്ടുണ്ടെന്ന് ഡോക്ടര്‍മാര്‍ പറഞ്ഞു.

എന്തായാലും ഒട്ടും പ്രതീക്ഷിച്ചിരിക്കാതെ പെട്ടെന്നൊരു ദിവസം ഒരു കുഞ്ഞിനെക്കിട്ടിയതില്‍ സന്തോഷമാണെന്നാണ് ജൂഡിയും കാമുകന്‍ അലെനും പറയുന്നത്.

എന്നാല്‍ പ്രസവസമയത്ത് താനന്തിച്ച് പോയെന്നും ഗര്‍ഭത്തെക്കുറിച്ച് ഒരു സൂചനയുമില്ലാതിരുന്നതിനല്‍ എന്താണ് നടക്കുന്നതെന്ന് മനസ്സിലാക്കാന്‍ സമയമെടുത്തുവെന്നും ജൂഡി പറയുന്നു.

അലന്‍ ജോലികഴിഞ്ഞുവരുമ്പോള്‍ വീട്ടില്‍ ഒരു കുഞ്ഞുമായിരിക്കുന്ന എന്നെക്കണ്ട് അത്ഭുതപ്പെട്ടുപോയി. കുഞ്ഞിന് ഞങ്ങള്‍ എലിസബത്ത് എന്ന് പേരിട്ടു- ജൂഡി പറഞ്ഞു. ഇവര്‍ക്ക് ഒരു അഞ്ചുവയസ്സുള്ള മകളുണ്ട്.