പെണ്ണുങ്ങള്‍ക്കിഷ്ടം മര്യാദക്കാരെ !!

Insync

oi-Siji KM

By Lakshmi

Published: Monday, October 25, 2010, 13:59 [IST]

ചില പുരുഷന്മാര്‍ പുകവലിച്ചും മദ്യപിച്ചും താന്‍പോരിമ കാണിച്ചുമെല്ലാം സ്ത്രീകളുടെ ശ്രദ്ധക്ഷണിക്കാനും ആളാവാനുമൊക്കെ ശ്രമിക്കാറുണ്ട്. തങ്ങളുടെ ഇത്തരം പൗരുഷ സ്വഭാവങ്ങളാണ് പെണ്ണുങ്ങള്‍ക്കിഷ്ടമെന്നാണ് ഇഷ്ടന്മാരുടെ വിചാരം.

എന്നാല്‍ ഇതൊരു വൃഥാവേലയാണേ, പെണ്ണുങ്ങള്‍ ഇതില്‍ വീഴില്ല, എന്നുമാത്രവുമല്ല അവര്‍ക്ക് ഇത്തരക്കാരോട് നീരസമാണുതാനും. സ്ത്രീകളെ സഹായിക്കുകയും അവരോട് മാന്യമായി ഇടപെടുകയും സഹാനുഭൂതി കാണിക്കുകയും ഒക്കെ ചെയ്യുന്ന പുരുഷന്മാരോടാണത്രേ അവര്‍ക്ക് പ്രിയം.

ഇതു വെറുതെ പറയുന്നതല്ല 2000 ആളുകളില്‍ നടത്തിയ ഒരു സര്‍വ്വേയിലാണ് ഇക്കാര്യം കണ്ടെത്തിയത്. തങ്ങള്‍ കയറിച്ചെല്ലമ്പോള്‍ മര്യാദയോടെ ഒതുങ്ങി നില്‍ക്കുക, സന്ദര്‍ശനത്തിന് ചെയ്യുമ്പോള്‍ ഇരിക്കാന്‍ കസേര നല്‍കുക, യാത്രക്കിടെ ഇരിപ്പിടം ഒഴിഞ്ഞു കൊടുക്കുക, നീണ്ട ക്യൂകളില്‍ സഹായിക്കുക, എന്തിന് നിലത്തുവീണ കര്‍ച്ചീഫ് എടുത്തുകൊടുക്കുന്നവരോടുപോലും സ്ത്രീകള്‍ക്ക് മതിപ്പാണ്.

ഇത്തരക്കാരില്‍ മാത്രമേ തങ്ങള്‍ ആകൃഷ്ടരാകാറുള്ളുവെന്നാണ് സ്ത്രീകള്‍ ഒന്നടങ്കം പറഞ്ഞത്. റഫ് ആന്റ് ടഫ് സ്വഭാവം കാണിച്ച് പെണ്ണുങ്ങളുടെ ഉള്ളില്‍ കയറിക്കൂടാമെന്ന് വിചാരിക്കുന്നവര്‍ ജാഗ്രതൈ, മസിലുപിടുത്തമെല്ലാം വിട്ട് തെല്ല് മര്യാദക്കാരനായാല്‍ ശ്രദ്ധിക്കപ്പെടുമെന്ന് ഉറപ്പ്.

സ്ത്രീകളുടെ ഇത്തരം സ്വഭാവം മനസ്സിലാക്കി പഴയ ഗൗരവമെല്ലാം വീട്ട് നല്ല മര്യാദക്കാരായി ഇടപെടാന്‍ തുടങ്ങിയെന്ന് സമ്മതിച്ച പുരുഷന്മാരുമുണ്ടായിരുന്നു സര്‍വ്വേയില്‍ പങ്കെടുത്തവരുടെ കൂട്ടത്തില്‍.