ദില്ലി മെട്രോയില്‍ വനിതാ കോച്ച്

Insync

oi-Siji KM

By Lakshmi

Published: Sunday, October 3, 2010, 17:00 [IST]

ദില്ലി: ഇനിമുതല്‍ ദില്ലി മെട്രോയില്‍ സ്ത്രീകള്‍ക്ക് പ്രത്യേക കോച്ച്. ശനിയാഴ്ച മുതല്‍ മെട്രോയില്‍ വനിതാ സംവരണം നിലവില്‍വരുകയാണ്.

എല്ലാ തീവണ്ടികളുടെയും മുന്‍വശത്തെ കോച്ചാണ് വനിതകള്‍ക്കായി നീക്കിവെച്ചത്. ഡ്രൈവര്‍ക്ക് തൊട്ടുപിന്നിലെ കോച്ചാണ് ഇത്.

360ലേറെ പേര്‍ക്ക് മുന്‍വശത്തെ കോച്ചില്‍ യാത്രചെയ്യാനാവും. സ്ത്രീകള്‍ക്കൊപ്പമുള്ള 12 വയസ്സുവരെയുള്ള കുട്ടികള്‍ക്കും സംവരണ കോച്ചില്‍ പോകാം.

ദില്ലി മെട്രോയില്‍ വനിതാ യാത്രക്കാരുടെ എണ്ണം കൂടുന്നത് കണക്കിലെടുത്താണ് ഡിഎംആര്‍സി സംവരണത്തിനുള്ള തീരുമാനം കൈക്കൊണ്ടത്. മെട്രോ യാത്രക്കാരില്‍ നാലിലൊരു ഭാഗവും സ്ത്രീകളാണ്.

സ്ത്രീകള്‍ക്ക് ആശ്വാസകരമായ യാത്രാസൗകര്യം ഒരുക്കുയാണ് സംവരണത്തിന്റെ ലക്ഷ്യം.
സംവരണം ചെയ്ത കോച്ചിലേക്ക് സ്ത്രീ യാത്രക്കാരെ വഴിതിരിച്ചുവിടാന്‍ സുരക്ഷാ ഉദ്യോഗസ്ഥര്‍ പ്ലാറ്റ്‌ഫോമിലുണ്ടാകും.

കൂടാതെ ഇതുസംബന്ധിച്ച ബോര്‍ഡ് മെട്രോയില്‍ പതിക്കും. അനൗണ്‍സ്‌മെന്റിലൂടെയും ഇതേക്കുറിച്ച് വിവരം നല്‍കും. ദുബായ്ക്ക് ശേഷം വനിതകള്‍ക്ക് കോച്ച് സംവരണം ചെയ്യുന്ന മെട്രോയാണ് ദില്ലി മെട്രോ.