ക്ലീവേജിനേക്കാള്‍ ആകര്‍ഷകം കൈകള്‍

Insync

oi-Siji KM

By Lakshmi

Published: Wednesday, September 29, 2010, 12:30 [IST]

പയ്യന്‍സിന്റെ കണ്ണൊന്ന് ഉടക്കട്ടെയെന്ന് വെല്ലുവിളിക്കുന്നവിധം ഇറക്കമേറിയ കഴുത്തുള്ള വസ്ത്രങ്ങള്‍ ധരിച്ച് ക്ലീവേജ് പ്രദര്‍ശിപ്പിക്കുന്ന തരുണീമണികള്‍ കുറവല്ല.

പരുഷന്മാരെ ആകൃഷ്ടരാക്കിക്കളയാം എന്ന് കരുതിയാണ് ഈ വേലയെങ്കില്‍ അതധികം നടപ്പാവില്ലെന്നാണ് പുതിയതായി നടന്ന ഒരു പഠനത്തില്‍ കണ്ടെത്തിയിരിക്കുന്നത്.

നീണ്ട കൈകളിലാണത്രേ ആകര്‍ഷണത്തിന്റെ മാജിക് ഒളിഞ്ഞിരിക്കുന്നത്. നീണ്ട് ആകൃതിയൊത്ത കൈകളുള്ള സ്ത്രീകളില്‍ പുരുഷന്മാര്‍ പെട്ടെന്ന് ആകൃഷ്ടരാകുമത്രേ. സിഡ്‌നിയിലെ ന്യൂസൗത്ത് വേല്‍സ് യൂണിവേഴ്‌സിറ്റിയിലാണ് ഇതുസംബന്ധിച്ച പഠനങ്ങള്‍ നടന്നത്.

ആസ്‌ത്രേലിയക്കാരും ചൈനക്കാരുമായ സ്ത്രീ പുരുഷന്മാരിലാണ് ഗവേഷകര്‍ പഠനം നടത്തിയത്. 20നും 49നും ഇടയില്‍ പ്രായമുള്ള സ്ത്രീകളുടെ വീഡിയോ കാണിച്ച് പുരുഷന്മാരോട് അവരുടെ സൗന്ദര്യം വിലയിരുത്താന്‍ ആവശ്യപ്പെടുകയായിരുന്നു.

വീഡിയോയിലുള്ള നീണ്ട കൈകളുള്ള സ്ത്രീകളെല്ലാം സുന്ദരിമാരും ആകര്‍ഷകത്വമുള്ളവരുമാണെന്നാണ് ഫീഡ്ബാക്കുണ്ടായത്. ഇതിനൊപ്പം തന്നെ ഇടുപ്പിന്റെയും അരക്കെട്ടിന്റെയും അളവുകളും പ്രധാനമായി പരിഗണിക്കപ്പെട്ടിട്ടുണ്ടത്രേ.

എന്നാല്‍ മുമ്പ് പറയുന്ന വിധം നീണ്ട് സുന്ദരമായ കാലുകള്‍ക്ക് ഈ വിലയിരുത്തലില്‍ വലിയ പ്രാധാന്യം ലഭിച്ചിട്ടില്ല.

സൗന്ദര്യ സങ്കല്‍പ്പങ്ങള്‍ മാറിവരുന്നതാണ് ഈ പഠനം വ്യക്തമാക്കുന്നതെന്ന് ഗവേഷകര്‍ പറയുന്നു. ശരീരഭാഗങ്ങള്‍ ഓരോന്നു സുന്ദരമായിരിക്കുകയെന്നപോലെ തന്നെ മൊത്തത്തിലുള്ള സൗന്ദര്യവും ആകര്‍ഷകത്വം നിര്‍ണയിക്കുന്നതിന്റെ ഘടകമാണ്.