മെന്‍ ഇന്‍ റെഡ് സ്മാര്‍ട്ടെന്ന് ഗേള്‍സ്

Insync

oi-Staff

By Super

Published: Thursday, May 17, 2012, 16:15 [IST]

പെണ്ണുങ്ങളുടെ ശ്രദ്ധയും സ്‌നേഹവും നേടാന്‍ ആണുങ്ങള്‍ പലകാര്യങ്ങളും ചെയ്യാറുമുണ്ട്. ചിലപ്പോള്‍ ചോക്ലേറ്റുകളും ആഭരണങ്ങളും നല്‍കുക, മറ്റുചിലപ്പോള്‍ ഔട്ടിങ് സിനിമ എന്നിങ്ങനെ പലതും.

എന്നാല്‍ ഇതൊക്കെ ചെയ്യുന്നതിലും കൂടുതല്‍ പെണ്ണുങ്ങള്‍ ഇഷ്ടപ്പെടുന്നത് പുരുഷന്മാര്‍ ചുവന്ന വസ്ത്രമിട്ട് വരുന്നതാണത്രേ. അടുത്തിടെ നടന്ന ഒരു പഠനത്തിലാണ് ചുവന്ന വസ്ത്രം ധരിച്ച പുരുഷന്മാരോട് സ്ത്രീകള്‍ക്ക് പ്രത്യേക ആകര്‍ഷണമുണ്ടെന്ന് കണ്ടെത്തിയത്.

ആകര്‍ഷണം മാത്രമല്ല അവര്‍ ബഹുമാനിക്കാനും സ്‌നേഹിക്കാനും തുടങ്ങുമെന്നും പഠനറിപ്പോര്‍ട്ടില്‍ പറയുന്നത്. ചുവന്ന നിറം ഒരേസമയം ധൈര്യം, ത്യാഗം, പാപം, ലൈംഗികത, ശക്തി എന്നിവയുടെല്ലാം അടയാളമാണ്.

അതുകൊണ്ടുതന്നെയാണത്രേ ചുവന്ന വസ്ത്രധാരികളായ പുരുഷന്മാരില്‍ സ്ത്രീകള്‍ ആകൃഷ്ടകളാകുന്നത്. അമേരിക്ക, ഇംഗ്ലണ്ട്, ജെര്‍മ്മനി, ചൈന എന്നിവിടങ്ങളിലെല്ലാം സ്ത്രീകള്‍ അഭിപ്രായപ്പെട്ടത് പുരുഷന്മാരെ ഏറെഇഷ്ടപ്പെടുന്ന ചുവന്ന വസ്ത്രം ധരിക്കുമ്പോഴാണെന്നാണ്.

പുരഷന്മാരുടെ ഫോട്ടോകള്‍ കാണിച്ച് ഒരുകുട്ടം സ്ത്രീകള്‍ക്കിടയിലാണ് ഇതുസംബന്ധിച്ച പഠനം നടത്തിയത്. എല്ലാവരും ചുവന്ന വസ്ത്രം ധരിച്ച പുരുഷന്മാരുടെ ഫോട്ടോയിലാണത്രേ ആകൃഷ്ടരായത്.

പല സംസ്‌കാരങ്ങളിലും ചുവപ്പ് നിറത്തിന് പല അര്‍ത്ഥങ്ങളാണ്, എന്നാല്‍ പുരുഷന്മാര്‍ ആകര്‍ഷണീയരാവുന്ന കാര്യത്തില്‍ സ്ത്രീകള്‍ക്കല്ലൊം ചുവപ്പ് നിറത്തിനുപരിയായി മറ്റൊരു നിറത്തോടും താല്‍പര്യമില്ല. ചുവന്ന ടീ ഷേര്‍ട്ടുകളിട്ടാല്‍ പുരുഷന്മാര്‍ തീര്‍ത്തും സുന്ദരന്മാരാകുമെന്നാണ് സ്ത്രീകള്‍ പറയുന്നത്.