അദ്ദേഹത്തെ കെയറിങ് ആക്കാന്‍ സ്‌പ്രേ!

Insync

oi-Siji KM

By Lakshmi

Published: Monday, May 10, 2010, 14:42 [IST]

സ്ത്രീകളുടെ, പ്രത്യേകിച്ചും ഭാര്യമാരുടെ എക്കാലത്തെയും പരാതിയാണ് പല ഭര്‍ത്താക്കന്മാരും കെയറിങ് അല്ലെന്നുള്ളത്. ഭര്‍ത്താക്കന്മാര്‍ സ്വയം ചിന്തിച്ച് എല്ലാ കാര്യങ്ങളിലും ശ്രദ്ധയുള്ളവരാവുകയെന്നതല്ലാതെ ഈ അശ്രദ്ധ ചികിത്സിച്ചുമാറ്റാന്‍ ഇതേവരെ ലോകത്ത് ഒരു മരുന്നും കണ്ടെത്തിയിരുന്നില്ല.

എന്നാല്‍ ഒരുകൂട്ടം ശാസ്ത്രജ്ഞന്മാര്‍ ലോകത്തൊട്ടുക്കുമുള്ള പരാതിക്കാരായ ഭാര്യമാര്‍ക്ക് പരിഹാരം കണ്ടെത്തിയിരിക്കുന്നു. ഇനിയൊരു സ്‌പ്രേ അടിച്ചാല്‍ മതി ഭര്‍ത്താക്കമാര്‍ കെയറിങ് ആയി മാറും. സ്‌നേഹം കൂട്ടുന്ന ഹോര്‍മ്മോണ്‍ ഉപയോഗിച്ച് നിര്‍മ്മിക്കുന്ന സ്‌പ്രേ അടിച്ചാല്‍ ഭര്‍ത്താന്മാര്‍ ഉടനടി സ്്‌നേഹസമ്പന്നന്മാരായി മാറും.

സ്‌പ്രേയുടെ പ്രവര്‍ത്തനം ഫലിക്കുമോയെന്നറിയാന്‍ 48 പുരുഷന്മാരില്‍ ഇത് പരീക്ഷിക്കുകയും ചെയ്തു. സംഗതി വിജയകമാണെന്നാണ് റിപ്പോര്‍ട്ട്. ഇതില്‍ പകുതിപ്പേരില്‍ ഓക്‌സിടോസിന്‍ നോസ് സ്‌പ്രേയും മറുപകുതിയ്ക്ക് പ്ലേസ്‌ബോയുമാണ് ഉപയോഗിച്ചത്.

സ്‌പ്രേ ഉപയോഗിച്ച് കഴിഞ്ഞ പുരുഷന്മാരുടെ പെരുമാറ്റ രീതി ഗവേഷകര്‍ വീഡിയോയില്‍ പകര്‍ത്തിയിട്ടുണ്ട്. സ്‌പ്രേ ഉപയോഗച്ചവര്‍ പിന്നീട് കുഞ്ഞുങ്ങള്‍ കരയുന്നത് കാണുമ്പോള്‍, സ്ത്രീകള്‍ പൂച്ചയേയോ പട്ടിയെയോ താലോലിക്കുന്നതുകാണുമ്പോള്‍ ഒക്കെ വളരെ താല്‍പര്യത്തോടെ അതില്‍ ഇടപെടുകയും സ്‌നേഹസമ്പന്നാരുവുകയും ചെയ്യുന്നുണ്ടത്രേ.

ബോണ്‍ യൂണിവേഴ്‌സിറ്റി ക്ലിനിക് ഫോര്‍ സൈക്യാട്രിയിലെ ഡോക്ടര്‍ റെനെ ഹോള്‍മാന്‍ പറയുന്നതനുസരിച്ച് ഓക്‌സിടോസിന്‍ സ്‌പ്രേ ഉപയോഗിച്ചവരില്‍ ഉയര്‍ന്ന നിരക്കിലുള്ള വികാരവ്യതിയാനമാണത്രേ കണ്ടത്. ഓക്‌സിടോസിന്‍ ഹോര്‍മ്മോണ്‍ സഹാനുഭൂതിയും സ്‌നേഹവും വര്‍ധിപ്പിക്കാന്‍ കഴിവുള്ളതാണ്.

എന്തായാലും ഇനി നിങ്ങള്‍ ഒട്ടും കെയറിങ് അല്ല മനുഷ്യാ എന്ന് പറയുന്ന നേരം കൊണ്ട് സ്‌പ്രേയെടുത്ത് ഉപയോഗിച്ച് ഭര്‍ത്താവിനെ ചാര്‍ജ് ചെയ്യുകയാവാം, ഇത് എപ്പോല്‍ വിപണിയില്‍ ലഭ്യമാകുമെന്നത് സംബന്ധിച്ച് വ്യക്തതയില്ല.