ഗതാഗതനിയന്ത്രണം പെണ്‍പൊലീസിന്‌

Insync

oi-Staff

By Staff

Published: Tuesday, March 24, 2009, 15:39 [IST]

ഗതാഗത നിയന്ത്രണത്തിനായി വനിതാ പൊലീസുകാര്‍ മാത്രമുള്ള ഒരു തിരക്കേറിയ നഗരത്തെക്കുറിച്ച്‌ ചിന്തിച്ചു നോക്കൂ.

എന്തു പറയാന്‍ ഗതാഗതക്കുരുക്കൊഴിഞ്ഞിട്ട്‌ നേരമുണ്ടാകില്ലെന്നല്ലേ ചിന്തിച്ചു വരുന്നത്‌. എല്ലെങ്കിലും ഇവരെയൊക്കെ എന്തിനുകൊള്ളാമെന്നും തോന്നിയേയ്‌ക്കാം. എന്തായാലും ഒരു മുന്‍വിധിവയ്‌ക്കാന്‍ വരട്ടെ.

ഇങ്ങനെ വനിതാ പൊലീസുകാര്‍ പൂര്‍ണമായും ഗതാഗത നിയന്ത്രണം നടത്തുന്ന നഗരമെന്നകാര്യം യാഥാര്‍ഥ്യമാകാന്‍ പോകുന്നു. പെറുവിന്റെ തലസ്ഥാനമായ ലിമയിലാണ്‌ ഗതാഗത നിയന്ത്രണത്തിനായി വനിതാ പൊലീസുകാരെ മാത്രം നിയമിക്കാന്‍ തീരുമാനിച്ചിരിക്കുന്നത്‌.

ട്രാഫിക്‌ പൊലീസ്‌ വിഭാഗത്തില്‍ ഇനി മുതല്‍ സ്‌ത്രീകള്‍ക്ക്‌ മാത്രമായിരിക്കും ഇവിടെ നിയമനം നല്‍കുക. പെണ്‍ പൊലീസ്‌പ്പട സ്ഥാനം കയ്യേറുന്നതോടെ ഇവിടെ ജോലിചെയ്യുന്ന അഞ്ഞൂറോളം പുരുഷ പൊലീസുകാര്‍ മറ്റു വകുപ്പുകളില്‍ ജോലി ചെയ്യേണ്ടിവരും.

സ്‌ത്രീകള്‍ പൊതുവേ കൂടുതല്‍ കര്‍ശന നിലപാടെടുക്കാന്‍ കഴിവുള്ളവരാണെന്നും പുരുഷന്മാരെ അപേക്ഷിച്ച്‌ അഴിമതി കുറഞ്ഞവരാണെന്നും ഒരു സര്‍വ്വേയില്‍ വ്യക്തമായതിനെത്തുടര്‍ന്നാണ്‌ ലിമയിലെ ഭരണകര്‍ത്താക്കള്‍ ഗതാഗത രംഗത്ത്‌ വനിതാ പൊലീസുകാരെ മാത്രം വിന്യസിക്കാന്‍ തീരുമാനിച്ചത്‌.

എണ്‍പത്‌ ലക്ഷത്തോളം ആളുകള്‍ താമസിക്കുന്ന ലിമ നഗരത്തില്‍ ഇനിമുതല്‍ ഗതാഗത പ്രശ്‌നങ്ങള്‍ എങ്ങനെ പരിഹരിക്കപ്പെടുന്നുവെന്ന്‌ കാത്തിരുന്ന കാണൂ.