സ്‌ത്രീ-പുരുഷ സമത്വം വംശം മുടിക്കും: അഴീക്കോട്‌

Insync

oi-Staff

By Staff

Published: Tuesday, March 24, 2009, 13:31 [IST]

കൊച്ചി: സ്‌‌ത്രീയും പുരുഷനും തുല്യത നേടിയാല്‍ വംശം മുടിയുമോ ഇത്‌ കേട്ടാല്‍ ഏതെങ്കിലും സ്‌ത്രീ സമത്വതാ വാദികള്‍ക്ക്‌ അതായത്‌ ഫെമിനിസ്റ്റുകള്‍ക്ക്‌ സഹിക്കാന്‍ കഴിയുമോ.

എന്തായാലും സ്‌ത്രീയും പുരുഷനും തുല്യത നേടിയാല്‍ വംശം മുടിയുമെന്നാണ്‌ ഡോക്ടര്‍ സുകുമാര്‍ അഴീക്കോടിന്റെ അഭിപ്രായം. ദേശീയ ശിശുവികസന കൗണ്‍സിലിന്റെ സംസ്ഥാനതല മാധ്യമ അവാര്‍ഡ്‌ ദാനച്ചടങ്ങുകള്‍ ഉത്‌ഘാടം ചെയ്യുകയായിരുന്നു അദ്ദേഹം.

സ്‌ത്രീപുരുഷ സമത്വത്തെക്കുറിച്ച്‌ അദ്ദേഹം പറഞ്ഞതിങ്ങനെയാണ്‌-തിരഞ്ഞെടുപ്പില്‍ മത്സരിച്ചെന്നുകരുതി സ്‌ത്രീകള്‍ പുരുഷന്മാര്‍ക്കൊപ്പം എത്തുന്നില്ല. സ്‌ത്രീയുടെ ദൗര്‍ബല്യംതന്നെയാണ്‌ അവളുടെ ശക്തി. പുരുഷനെ അപേക്ഷിച്ച്‌ അവള്‍ നന്മയുടെ ഉറവിടമാണ്‌. മാതൃത്വം എന്ന അനുഗ്രഹീത വരം ലഭിച്ചവരാണ്‌ സ്‌ത്രീകള്‍.

മനുഷ്യന്‍ ക്രൂരനും ഹൃദയശൂന്യനുമാകുന്ന കാലത്ത്‌ അതിന്റെ ദോഷഫലങ്ങള്‍ അനുഭവിക്കന്നത്‌ കുട്ടികളാണ്‌. അതിക്രമങ്ങളെ എതിര്‍ക്കാന്‍ ശേഷിയില്ലാത്തതിനാലാണ്‌ കുട്ടികള്‍ കഷ്ടതയനുഭവിക്കേണ്ടിവരുന്നതെന്നും അദ്ദേഹം പറഞ്ഞു.