34ല്‍ സ്‌ത്രീകള്‍ സെക്‌സിയസ്റ്റ്‌

Insync

oi-Staff

By Staff

Published: Tuesday, December 9, 2008, 15:52 [IST]

ലണ്ടന്‍: മുപ്പത്‌ വയസ്സ്‌ കഴിയുന്നതോടെ സ്‌ത്രീയിലെ ലൈംഗിക തൃഷ്‌ണ കുറഞ്ഞുതുടങ്ങുമെന്നാണ്‌ പൊതുവേ പറയാറുള്ളത്‌. എന്നാല്‍ അടുത്തിടെ ബ്രിട്ടനില്‍ നടന്ന ഒരു സര്‍വ്വേ ഇക്കാര്യത്തെ പാടേ തള്ളിക്കളയുന്നു.

34-35 വയസ്സിനിടെയാണ്‌ സ്‌ത്രീകളുടെ ലൈംഗിക തൃഷ്‌ണ ഏറ്റവും ഉന്നതിയിലെത്തുന്നതെന്നാണ്‌ സര്‍വ്വേയില്‍ വ്യക്തമായത്‌. സൗന്ദര്യവര്‍ധക വസ്‌തുക്കളുടെ നിര്‍മ്മാതാക്കളായ ആസ്‌ട്രല്‍ ആണ്‌ ഇത്തരത്തിലൊരു സര്‍വ്വേ നടത്തിയത്‌ .

1,031 പേരാണ്‌ സര്‍വ്വേയില്‍ പങ്കെടുത്തത്‌. ഇതില്‍ 56ശതമാനം പേരും പറഞ്ഞത്‌ യൗവ്വനം അതായത്‌ ഇരുപതുകളിലേക്കാള്‍ തങ്ങള്‍ ലൈംഗികത ആസ്വദിച്ചത്‌ മുപ്പത്തിനാലിനും മുപ്പത്തിയഞ്ചിനും ഇടയ്‌ക്കുള്ള പ്രായത്തിലാണെന്നാണ്‌.

മാത്രമല്ല ഇക്കാലയളവില്‍ ഇരുപതുകളിലുണ്ടായതിനേക്കാള്‍ കൂടുതല്‍ തവണ ലൈംഗിക ബന്ധത്തില്‍ ഏര്‍പ്പെട്ടതായും ഇവര്‍ വെളിപ്പെടുത്തി. സര്‍വ്വേയില്‍ പങ്കെടുത്തവരില്‍ 45നും 60 ഇടയില്‍ പ്രായമുള്ള സ്‌ത്രീകള്‍ തങ്ങള്‍ മാസത്തില്‍ നാലില്‍ക്കൂടുതല്‍ തവണ ലൈംഗിക ബന്ധത്തിലേര്‍പ്പെടുന്നുവെന്നാണ്‌ വെളിപ്പെടുത്തിയത്‌.

20-30 വയസ്സിനിടെ തങ്ങള്‍ 10 തവണവരെ മാസത്തില്‍ രതിയിലേര്‍പ്പെടുമായിരുന്നുവെന്നും ഇവര്‍ വെളിപ്പെടുത്തി. ഇതുവച്ച്‌ നോക്കുമ്പോള്‍ 45നും 60നും ഇടയില്‍‍ നാലില്‍ക്കൂടുതല്‍ തവണ ബന്ധപ്പെടുകയെന്നത്‌ ഒട്ടും മോശമല്ലാത്ത കാര്യമാണെന്നാണ്‌ സെക്‌സോളജിസ്‌റ്റുകള്‍ പറയുന്നത്‌.

ഏറ്റവും കൂടുതല്‍ സെക്‌സിയായി തോന്നിയ പ്രായമേതാണെന്ന ചോദ്യത്തിന്‌ ഭൂരിഭാഗംപേരും 34 വയസ്സെന്നാണ്‌ മറുപടി നല്‍കിയത്‌.