Click it and Unblock the Notifications
Latest Updates
-
പാപാങ്കുശ ഏകാദശി: വ്രതം അവസാനിപ്പിക്കേണ്ട പാരണം സമയം അറിയാം; ശ്രദ്ധിക്കേണ്ട കാര്യങ്ങൾ ഇവയാണ് -
പാറശ്ശാലയിൽ ട്രെയിൻ പാളം തെറ്റി: റദ്ദാക്കിയ സർവീസുകൾ ഏതൊക്കെ? യാത്രക്കാർ അറിയേണ്ട പ്രധാന വിവരങ്ങൾ -
ഫെസ്റ്റിവൽ സെയിൽ: 499 രൂപയിൽ താഴെ ബ്യൂട്ടി ഉൽപ്പന്നങ്ങൾ വാങ്ങുമ്പോൾ ഈ അബദ്ധങ്ങൾ പറ്റരുത് -
ഒക്ടോബർ 23-ന് ആകാശത്ത് വിസ്മയം; ചന്ദ്രനും ശനിയും ഒന്നിക്കുന്ന അപൂർവ കാഴ്ച കാണാം! -
കേരളത്തിൽ മഴ കനക്കുന്നു! 4 ജില്ലകളിൽ ഓറഞ്ച് അലർട്ട്; പുറത്തിറങ്ങുമ്പോൾ ഈ കാര്യങ്ങൾ ശ്രദ്ധിക്കണം -
ഇന്ത്യ-ന്യൂസിലൻഡ് ഒന്നാം ട്വന്റി-20 ഇന്ന്: ക്രിസ്റ്റ്ചർച്ചിൽ ആര് ജയിക്കും? തത്സമയ വിവരങ്ങൾ ഇതാ -
ഡൽഹിയിലെ വായുമലിനീകരണം ചർമ്മത്തെയും മുടിയെയും നശിപ്പിക്കുന്നു; ഈ ലളിതമായ മുൻകരുതലുകൾ പരീക്ഷിക്കൂ -
ഓസെംപിക് മരുന്ന് കഴിക്കുന്നോ? റാം കപൂറിന്റെ മുന്നറിയിപ്പും വണ്ണം കുറയ്ക്കാനുള്ള സുരക്ഷിത വഴികളും -
ശരദ് പൂർണിമ 2026: ലക്ഷ്മി പൂജയും പായസം വെക്കുന്ന കൃത്യസമയവും അറിയാം -
2026 ഒക്ടോബർ 24 മുതൽ ബുധന്റെ വക്രഗതി: ജീവിതത്തിൽ വരാനിരിക്കുന്ന മാറ്റങ്ങളും ശ്രദ്ധിക്കേണ്ട മുൻകരുതലുകളും ഇതാ
ഫെമിനിസ്റ്റുകള്‍ തീവ്രമായി പ്രണയിക്കുന്നവരാണെന്ന്‌ പഠനം
ആണുങ്ങള്‍ക്കിത്‌ വിശ്വസിക്കാന്‍ അല്‌പം പ്രയാസം കാണും, അനുഭവസ്ഥര്‍ ആഹാ ആങ്ങനെതന്നെയാണല്ലേ എന്ന്‌ ഓര്‍ക്കുകയും ചെയ്യും. കാര്യമെന്താണെന്നല്ലേ പ്രണയത്തിന്റെ കാര്യത്തില്‍ സാധാരണസ്‌ത്രീകളേക്കാളും മുന്‍പന്തിയില്‍ നില്‍ക്കുന്നത്‌ ഫെമിനിസ്റ്റുകളാണത്രേ.
ഫെമിനിസ്റ്റ്‌ എന്ന വാക്കുകേള്‍ക്കുമ്പോള്‍ത്തന്നെ ഒരു പുരുഷന്റെയുള്ളിലുണ്ടാകുന്ന ഒരു സങ്കല്‍പ്പമുണ്ട്‌. സകല പുരുഷന്മാരെയും എതിര്‍ത്ത്‌ അവരെ വകവെയ്‌ക്കാതെ എന്തിനും പോന്നവരായി പുരുഷന്മാരെപ്പോലെ നടക്കുന്നവര്‍. അല്ലെങ്കില്‍ ഒരു പൊങ്ങച്ചസഞ്ചിയും തൂക്കി മുഖത്തുനിറയെ ചായവും പൂശി നടക്കുന്ന തനി സൊസൈറ്റി ലേഡികള്‍.
എന്നാല്‍ ഈ ഇരുകൂട്ടരുടെയും കാര്യമല്ല പറയുന്നത്‌. മറിച്ച്‌ യഥാര്‍ത്ഥ സ്‌ത്രീവാദക്കാരാണ്‌ ഇവിടുത്തെ കഥാപാത്രങ്ങള്‍. ഇതില്‍ സ്‌ത്രീകള്‍ മാത്രമല്ല സ്‌ത്രീകള്‍ക്കുവേണ്ടി വാദിക്കുന്ന പുരുഷന്മാരും ഉള്‍പ്പെടുന്നുണ്ടെന്നത്‌ സ്‌ത്രീകള്‍ക്കും ആശ്വാസത്തിനിടനല്‍കിയേക്കും.
ഈയിടെ നടന്ന ഒരു പഠനത്തിലാണ്‌ പ്രണയത്തിന്റെ കാര്യത്തില്‍ ഏറ്റവും ആരോഗ്യകരമായ ബന്ധം സൂക്ഷിയ്‌ക്കാന്‍ ഫെമിനിസ്റ്റുകള്‍ക്കുള്ള മിടുക്ക്‌ വെളിപ്പെട്ടത്‌. ഒരു ഫെമിനിസ്‌റ്റുമായുള്ള പ്രണയമായാലും ഡേറ്റിംഗായാലും ഫെമിനിസ്റ്റല്ലാത്ത ഒരു സ്‌ത്രീയുമായുള്ളതിനേക്കാള്‍ തീവ്രമായിരിക്കുമെന്നാണ്‌ പഠനത്തില്‍ കണ്ടെത്തിയത്‌.
മാത്രമല്ല ഇവര്‍ എപ്പോഴും ഇത്തരം ബന്ധങ്ങള്‍ ഏറ്റവും നല്ലരീതിയില്‍ സൂക്ഷിയ്‌ക്കുകയും ചെയ്യുമത്രേ. യഥാര്‍ത്ഥത്തില്‍ സമൂഹത്തിന്റെ ചിന്ത മിക്ക ഫെമിനിസ്റ്റുകളായ സ്‌ത്രീകളും ഒന്നുകില്‍ പ്രണയിക്കാനറിയാത്തവര്‍ അല്ലെങ്കില്‍ പ്രണയത്തെ വെറുക്കുന്നവരാണെന്നാണ്‌. എന്നാല്‍ റൂട്‌ഗേര്‍സ്‌ യൂണിവേഴ്‌സിറ്റിയിലെ ലാറി റൂഡ്‌മാനും ജൂലി ഫിലനും നടത്തിയ പഠനത്തില്‍ ലഭിച്ച ഫലങ്ങള്‍ മറിച്ചാണ്‌.
തങ്ങളുടെ പഠനത്തിനായി ഇവര്‍ 242 അമേരിക്കന്‍ യുവതീയുവാകളില്‍ നിന്നും ലബോറട്ടറി സര്‍വ്വേയിലൂടെയും 289 മറ്റു മുതിര്‍ന്ന ആളുകളില്‍ നിന്നും ഓണ്‍ലൈന്‍ സര്‍വ്വേയിലൂടെയുമാണ്‌ വിവരങ്ങള്‍ ശേഖരിച്ചത്‌. രണ്ടാമത്തെ കൂട്ടത്തില്‍പ്പെട്ടവര്‍ പലരും ദീര്‍ഘായുസ്സുള്ള ബന്ധങ്ങള്‍ സൂക്ഷിയ്‌ക്കുന്നവരും വളരെ ഉയര്‍ന്ന ജീവിതാനുഭവങ്ങളുള്ളവരുമായിരുന്നത്രേ.
ഇവരില്‍ പലരും ഫെമിനിസ്റ്റുകളുമായി ബന്ധങ്ങള്‍ സൂക്ഷിയ്‌ക്കുന്നവരാണ്‌. അവരെല്ലാംതന്നെ ബന്ധങ്ങള്‍ നല്ലരീതിയില്‍ കൊണ്ടുപോകുന്നവരാണെന്നും ഇവര്‍ പറഞ്ഞിട്ടുണ്ട്‌. ഇവരുടെ ബന്ധങ്ങളില്‍ ലിംഗഭേദം കൊണ്ടുണ്ടാകുന്ന പ്രശ്‌നങ്ങള്‍ ഉണ്ടായിട്ടില്ല. മാത്രമല്ല മിക്കവരുടെയും ലൈംഗിക ജീവിതം തീര്‍ത്തും സംതൃപ്‌തവുമാണ്‌.
ഫെമിനിസ്റ്റുകളുമായി പ്രണയബന്ധങ്ങള്‍ സൂക്ഷിക്കുന്ന പുരുഷന്മാരുടെ ലൈംഗിക ജീവിതം ഏറെ സംതൃപ്‌തമാണെന്ന്‌ മാത്രമല്ല ഇവരുടെ ആരോഗ്യനില മറ്റുള്ളവരെ അപേക്ഷിച്ച്‌ വളരെ നല്ലതാണെന്നും പഠനത്തില്‍ കണ്ടെത്തി. സ്‌പിന്‍ഗേസ്‌ ജേണല്‍ സെക്‌സ്‌ റോള്‍സിലാണ്‌ ഈ പുതിയ പഠനറിപ്പോര്‍ട്ട്‌ പ്രസിദ്ധീകരിച്ചിരിക്കുന്നത്‌.
Continue with Google
