ഹൈ ഹീലില്‍ വനിതകളുടെ ഓട്ടം!!!!!!!!!!!!

മുള്ളുപോലെ കൂര്‍ത്ത ഹൈഹീലുകള്‍ ധരിച്ച്‌ നടക്കുന്ന സ്‌ത്രീകള്‍ ഇന്ന്‌ അസാധാരണമായ കാഴ്‌ചയല്ല. എന്നാല്‍ ഹൈ ഹീല്‍ ചെരുപ്പ്‌ ധരിച്ച്‌ സ്‌ത്രീകള്‍ ഒരു കൂട്ടമത്സരയോട്ടം നടത്തിയാലോ?!

ജൂലൈ 28ന്‌ ശനിയാഴ്‌ച റഷ്യയിലെ സ്‌ത്രീകള്‍ ഇത്തരമൊരു മത്സരം നടത്തി. ഹൈ ഹീല്‍ ധരിച്ച 100 സ്‌ത്രീകള്‍ പങ്കെടുത്ത 100 മീറ്റര്‍ മത്സരയോട്ടം. മത്സരത്തിലുപയോഗിക്കുന്ന ചെരുപ്പിന്റെ ഹീലിന്‌ കുറഞ്ഞത്‌ 3.5 ഇഞ്ച്‌ ഉയരമുണ്ടായിരിക്കണമെന്ന്‌ നിര്‍ബന്ധമുണ്ടായിരുന്നു.

വിജയിയ്‌ക്ക്‌ സമ്മാനമായി നല്‍കിയത്‌ എന്താണെന്നല്ലേ 1,00,000 റൂബിള്‍(158,395.05 രുപ)വിലവരുന്ന ഷോപ്പിംഗ്‌ വൗച്ചര്‍

സ്‌ത്രീകള്‍ ഈ പുതിയ മത്സരത്തിന്‌ ഒരു പേരുമിട്ടു 'ദി ഹൈ ഹീല്‍ റേസ്‌'. റഷ്യയിലെ അഞ്ച്‌ നഗരങ്ങളില്‍ ജൂലൈ 16നും 28നും ഇടയില്‍ ഇത്തരം അഞ്ച്‌ മത്സരങ്ങള്‍ നടന്നിരുന്നു.