ഹൈ ഹീലില്‍ വനിതകളുടെ ഓട്ടം!!!!!!!!!!!!

നെയ്യാറ്റിന്‍കര: എല്ലാ യോഗ്യതയും ഉണ്ടായിട്ടും സ്‌ത്രീ ആണെന്ന കാരണത്താല്‍ അയോഗ്യതായി കല്‌പിച്ച് ഉദ്യോഗം നിഷേധിച്ച സ്‌കൂള്‍ ഹെഡ്‌മാസ്‌റ്റര്‍ക്കെതിരെ സംസ്ഥാന വനിതാ കമ്മീഷന്‍ കേസെടുത്ത്‌ അന്വേഷണമാരംഭിച്ചു.

കീഴാറൂര്‍ ഗവ. എച്ച്‌എസ്‌എസില്‍ ഫിസിക്കല്‍ എഡ്യൂക്കേഷന്‍ താത്‌കാലിക അദ്ധ്യാപക ജോലിക്കായി അപേക്ഷിച്ച എസ്‌.ആര്‍ ദിവ്യയാണ്‌ പരാതിക്കാരി. ഫിസിക്കല്‍ എഡ്യൂക്കേഷനില്‍ ദേശീയതലത്തില്‍ രണ്ടാം റാങ്കും ഫിസിക്കല്‍ എഡ്യൂക്കേഷന്‍ മാസ്റ്റര്‍ ഡിഗ്രിയ്‌ക്ക്‌ ദേശീയതലത്തില്‍ മൂന്നാം റാങ്കും നേടിയ ദിവ്യ കീഴാറൂര്‍ ഗവ എച്ച്‌എസ്‌എസ്സില്‍ ഫിസിക്കല്‍ എഡ്യൂക്കേഷന്‍ അദ്ധ്യാപക ഒഴിവിലേയ്‌ക്ക്‌ അപേക്ഷ നല്‍കി.

അഭിമുഖത്തിന്‌ ഏഴ്‌ പേരെത്തി. അതില്‍ രണ്ട്‌ പേര്‍ സ്‌ത്രീകളായിരുന്നു. ദിവ്യയ്‌ക്കാണ്‌ ഏറ്റവും കൂടുതല്‍ വിദ്യാഭ്യാസ യോഗ്യത. മാത്രമല്ല, അഖിലേന്ത്യാ സ്‌പോര്‍ട്‌സ്‌ മീറ്റില്‍ കേരളത്തെ പ്രതിനിധാനം ചെയ്‌ത്‌ നാല്‌ പ്രാവശ്യം പങ്കെടുത്തിട്ടുമുണ്ട്‌.

എന്നാല്‍, ഇന്റര്‍വ്യൂ നടന്നപ്പോള്‍ ഈ പണിയ്‌ക്ക്‌ വനിതകള്‍ പറ്റില്ലെന്ന നിലപാടാണ്‌ ഹെഡ്‌മാസ്റ്റര്‍ സ്വീകരിച്ചത്‌. ഇത്രയും യോഗ്യത ഉണ്ടായിട്ടും സ്‌ത്രീ എന്ന പദവി അയോഗ്യതയാണെന്ന്‌ സ്‌കൂള്‍ ഹെഡ്‌മാസ്‌റ്റര്‍ തന്നോട്‌ പറഞ്ഞതായും ദിവ്യ വനിതാ കമ്മീഷന്‍ ചെയര്‍പേഴ്‌സന്‌ നല്‍കിയ പരാതിയില്‍ പറഞ്ഞിരുന്നു.

ദിവ്യയ്‌ക്ക്‌ പകരം മറ്റൊരാളെ നിയമിക്കുകയും ചെയ്‌തു. ദിവ്യയുടെ പരാതി സ്വീകരിച്ച്‌ വനിതാ കമ്മിഷന്‍ ഹെഡ്‌മാസ്റ്റര്‍ക്ക്‌ കാരണം കാണിക്കല്‍ നോട്ടീസ്‌ അയച്ചിരിക്കുകയാണ്‌.