ആണുങ്ങളുടെ കളിത്തട്ടിലെ സ്‌ത്രീസാന്നിദ്ധ്യം

ടോക്കിയോ: തനിച്ചാണെന്ന്‌ തോന്നല്‍ ഇനി അവിവാഹിതക്കളും വിവാഹമോചനം നേടിയതുമായ ജാപ്പനീസ്‌ യുവതികള്‍ക്ക്‌ ഉണ്ടാക്കാനിടയില്ല. അവസാനം അവര്‍ക്കും കിട്ടി ഒരു പങ്കാളിയെ.

ആ കൈകളുടെ സുരക്ഷിതത്വത്തില്‍ ഒതുങ്ങികൂടി അവര്‍ സമാധാനത്തോടെ ഉറങ്ങുന്നു. എന്നാല്‍ കൂര്‍ക്കംവലിച്ചോ മറ്റ്‌ ആവശ്യങ്ങള്‍ക്ക്‌ നിര്‍ബന്ധിച്ചോ ശല്യപ്പെടുത്തുന്നുമില്ല ഈ പങ്കാളികള്‍. കാരണം ഇവര്‍ വെറും തലയണകളാണ്‌.

പുരുഷന്റെ കൈയുടെ ആകൃതിയിലും പ്രകൃതിയിലും പണിതീര്‍ത്ത തലയണകള്‍. ബോയ്‌ഫ്രണ്ട്‌സ്‌ ആം പില്ലോ എന്ന പേരിട്ടിരിക്കുന്ന ഈ തലയണ ജപ്പാനിലെ അവിവാഹിതകള്‍ക്കിടയില്‍ ചൂടപ്പം പോലെയാണ്‌ വിറ്റുപോകുന്നത്‌.

കഴിഞ്ഞ വര്‍ഷം ഡിസംബറിലാണ്‌ ബോയ്‌ഫ്രണ്ട്‌ തലയണ വിപണിയിലെത്തിയത്‌. പുരുഷന്റെ തലയും കാലും ഒഴികെയുളള ശരീരഭാഗങ്ങള്‍ ഉള്‍പ്പെടുന്നതാണീ പുതുമയാര്‍ന്ന തലയണ.

ഇപ്പോള്‍ ജപ്പാനില്‍ മാത്രമാണ്‌ ഈ തലയണ വില്‍പ്പനയ്‌ക്കുളളത്‌. ഏകദേശം 3,245 രൂപയാണ്‌ ഇതിന്റെ വില. നീല, പിങ്ക്‌, പച്ച നിറങ്ങളില്‍ ഇത്‌ ലഭ്യമാണ്‌.