ഇംഗ്ലണ്ടിലെ ശ്രദ്ധേയരായ വനിതകളില്‍ ഇന്ത്യാക്കാരിയും

1975ല്‍ ബ്രിട്ടീഷ് പൗരനായ ഡോക്ടറെ വിവാഹം ചെയ്താണ് പെര്‍വീന്‍ ഇംഗ്ലണ്ടിലെത്തിയത്. മകനു വേണ്ടി ഒരു കടയില്‍ നിന്നും വാങ്ങിയ സമൂസക്ക് രുചിയില്ലാത്തതാണ് ഭക്ഷ്യവ്യവസായ രംഗത്തേക്കു കടക്കാന്‍ പെര്‍വീനു പ്രേരണയായത്. തുടര്‍ന്ന് മക്കളായ സാദിഖ്, അബീദ് എന്നിവരുടെ പേരില്‍ തുടങ്ങിയ എസ്ത്തന്‍ഡ്സ് എന്ന ഭക്ഷ്യവ്യവസായ സംരംഭം ഇന്ന് 553 കോടി രൂപ വാര്‍ഷികവരുമാനുള്ള കമ്പനിയാണ്.

ലണ്ടനിലെ ഹില്‍ട്ടന്‍ ഹോട്ടലില്‍ നടന്ന ചടങ്ങിലാണ് ബ്രിട്ടീഷ് വ്യവസായ കോണ്‍ഫെഡറേഷന്‍ പെര്‍വീനെ ആദരിച്ചത്.

പ്രമുഖ സാമ്പത്തിക വിദഗ്ധ സാറാ ഹോഗ്, ജൂലിയ ഹാന്‍ഡ്സ്, ഡോ.ഗില്‍ സാമുവല്‍സ് ജാന്‍ബാബിയക് എന്നിവരും ആദരിക്കപ്പെട്ടവരുടെ പട്ടികയില്‍ പെടുന്നു.