സ്ത്രീകളെ സഹായിക്കാന്‍ പ്രത്യാശ

ഓംബുഡ്സ്മാന്‍ പ്രദേശികഅംഗം ജസ്റ്റിസ് കെ.പി രാധാകൃഷ്ണമേനോന്‍ ഉദ്ഘാടനം ചെയ്തു.

ദുരിതവും മാനസിക സംഘര്‍ഷവും അനുഭവിയ്ക്കുന്ന സ്ത്രീകള്‍ക്ക് ആശ്വാസമേകുകയാണ് പ്രത്യാശയുടെ ലക്ഷ്യം. ഈ ആശ്വാസ വചനങ്ങള്‍ കേള്‍ക്കാനായി ആര്‍ക്കും പ്രത്യാശയിലേയ്ക്ക് വിളിയ്ക്കാം. 0484-2390680 എന്നതാണ് പ്രത്യാശയുടെ നമ്പര്‍.

ഉപഭോക്തൃസംസ്കാരമാണ് ഇന്നത്തെ ഭൂരിഭാഗം പ്രശ്നങ്ങള്‍ക്കും കാരണമെന്നഭിപ്രായപ്പെട്ട അദ്ദേഹം നിയമങ്ങള്‍ കൊണ്ടുമാത്രം എല്ലാ പ്രശ്നങ്ങളും പരിഹരിക്കാനാവില്ലെന്നഭിപ്രായപ്പെട്ടു.

വീടുകളിലും ജോലിസ്ഥലത്തുമുള്‍പ്പെടെ എവിടെയും എങ്ങനെയുള്ള ബുദ്ധിമുട്ടുകളുമനുഭവിക്കുന്ന സ്ത്രീകള്‍ക്ക് സംഘടനയുടെ സഹായം തേടാം.

ലൈംഗികഅരാജകത്വം, ബാലപീഡനം, ബാലവേല തുടങ്ങിയ കാര്യങ്ങളില്‍ പരിഹാരം കാണാന്‍ സഹായിക്കുന്ന സംഘടന കൗണ്‍സിലിങ്ങും സെമിനാറുകളും സംഘടിപ്പിക്കും.

സാമ്പത്തിക സ്വാതന്ത്യ്രം സ്ത്രീകള്‍ക്കെതിരായ അക്രമങ്ങള്‍ കുറയാനാന്‍ കാരണമാകുന്നുണ്ടെന്ന് സ്റേറ്റ് ലീഗല്‍ അതോറിറ്റി സെക്രട്ടറിയുമായ സി. ശരത്ചന്ദ്രന്‍ അഭിപ്രായപ്പെട്ടു.

സി.എം യോഹിത്, ജില്ലാ സോഷ്യല്‍ വെല്‍ഫെയര്‍ ഓഫീസക് അഡ്വ. സന്ധ്യ എന്നിവര്‍ ചടങ്ങില്‍ സംബന്ധിച്ചു.