മികച്ച ബിസിനസ് വനിതകളില്‍ ഇന്ത്യാക്കാരും

പെപ്സികോ ഇന്ത്യയുടെ പ്രസിഡന്റും സി.ഇ.ഒയുമായ ഇന്ദ്ര നൂയിയും എച്ച്.എസ്.ബി.സിയുടെ ഇന്ത്യന്‍ ഡെപ്യൂട്ടി സി. ഇ. ഒ നൈന ലാല്‍ കിദ്വാനിയുമാണിവര്‍.

കഴിഞ്ഞ വര്‍ഷം ബിസിനസ് രംഗത്ത് വ്യക്തിമുദ്ര പതിപ്പിച്ച വനിതകളെയാണ് തിരഞ്ഞെടുത്തതെന്ന് വാള്‍സ്ട്രീറ്റ് ജെര്‍ണല്‍ വ്യക്തമാക്കി.

പെപ്സി കമ്പനിക്ക് വേണ്ടി1390 കോടി ഡോളര്‍ മൂല്യമുള്ള ക്വക്കര്‍ ഓട്ട്സ് എന്ന കമ്പനി വാങ്ങിയതിനും ഗാറ്ററേഡ് എന്ന മികച്ച ബ്രാന്റ് സ്ൃഷ്ടിച്ചതിനുമാണ് നൂയിക്ക് ഈ പട്ടികയില്‍ 16-ാം സ്ഥാനം കിട്ടിയത്. നൈന 34-ാം സ്ഥാനത്താണ്. ഇന്ത്യന്‍ കമ്പനികളെ ഇന്ത്യയിലും പുറത്തുമുള്ള ധന വിപണിയില്‍ നിന്ന് കോടിക്കണക്കിന് രൂപ പിരിച്ചെടുക്കാന്‍ സഹായിച്ചതിനാണ് നൈന ലാല്‍ കിദ്വായിയ്ക്ക് ഈ സ്ഥാനം കിട്ടിയത്.

ലോകത്ത് എമ്പാടും നിന്നായി കിട്ടിയ 550 പത്രികകളില്‍ നിന്ന് വാള്‍സ്ട്രീറ്റ് ജേര്‍ണലിന്റെ റിപ്പോര്‍ട്ടര്‍മാരും എഡിറ്റര്‍മാരുമടങ്ങിയ ഒരു സംഘമാണ് 50പേരെ തെരഞ്ഞെടുത്തത്.ഏഴ് ഏഷ്യന്‍വനിതകള്‍ ഈ പട്ടികയില്‍ ഉള്‍പ്പെടുന്നു.

ഹ്യൂലറ്റ് പക്കാര്‍ഡിലെ കാര്‍ലി ഫിയോറിനയാണ് ലിസ്റില്‍ ഒന്നാം സ്ഥാനത്ത്. ചൈനയിലെ ഷാങ്ഹായ് ബോസ്റീല്‍ ഗ്രൂപ്പിന്റെ അദ്ധ്യക്ഷയായ ക്സി ക്വിഹുവയാണ് ഈ പട്ടികയില്‍ എഷ്യയില്‍ നിന്ന് ഒന്നാമത്.