സുകന്യയുടെ വിവാഹമോചന വാര്‍ത്ത പ്രസിദ്ധീകരിയ്ക്കരുത്

യു എസില്‍ ജോലി ചെയ്യുന്ന ഭര്‍ത്താവ് ശ്രീധറില്‍ നിന്നും വിവാഹമോചനം തേടി സുകന്യ കോടതിയില്‍ കേസ് ഫയല്‍ ചെയ്തിരുന്നു. ഇതിന്റെ തുടര്‍നടപടികള്‍ റിപ്പോര്‍ട്ടു ചെയ്തതിനാണ് ഡെയ്ലി തന്ത്രി, ദിനമലര്‍, ദിനകരന്‍ എന്നീ മൂന്നു പത്രങ്ങള്‍ക്കും സണ്‍ ടി.വിക്കുമെതിരെ സുകന്യ പരാതി നല്‍കിയത്.

എന്നാല്‍ കുടുംബകോടതി നിയമമനുസരിച്ച് കോടതി നടപടികള്‍ പ്രസിദ്ധീകരിക്കുന്നതിനു തടസമില്ലെന്ന് മാധ്യമങ്ങള്‍ അറിയിച്ചു.

ഈ വാദം ശരിയാണെങ്കിലും ഹിന്ദുമാര്യേജ് ആക്ട് പ്രകാരം വിവാഹത്തിന് സ്വകാര്യത കല്‍പ്പിക്കുന്നുണ്ടെന്നും വിവാഹമോചനം സംബന്ധിച്ച വാര്‍ത്തകള്‍ നടിയെന്ന നിലക്ക് അവരെ ബാധിക്കുമെന്നും അതുകൊണ്ടുതന്നെ ഇത്തരം വാര്‍ത്തകള്‍ പ്രസിദ്ധീകരിക്കുന്നത് കുറ്റകരമാണെന്നും ഇതിന് 1000 രൂപയില്‍ കുറയാതെ പിഴയീടാക്കാവുന്നതുമാണെന്ന് കോടതി അറിയിച്ചു.