ഐശ്വര്യാ റായി ഹോളിവുഡിലേക്ക്

കെയോസ് എന്ന ചിത്രമാണിതില്‍ പ്രധാനം. ഐശ്വര്യാ റായി നായികയാവുന്ന കെയോസ് എന്ന ചിത്രത്തില്‍ മെറില്‍ സ്ട്രീപ് ആയിരിക്കും രണ്ടാമത്തെ നായിക. ഷൂട്ടിംഗ് 2004 അവസാനത്തോടെ ആരംഭിയ്ക്കും.

സിംഗുലാരിറ്റി എന്ന മറ്റൊരു ചിത്രത്തില്‍ ഐശ്വര്യ തന്നെ നായിക. നേരത്തെ ഓസ്കാര്‍ നോമിനേഷന്‍ ലഭിച്ച റോളണ്ട് ജോഫെ ആയിരിക്കും സിംഗുലാരിറ്റിയുടെ ഡയറക്ടര്‍. ഒരു പ്രണയചിത്രമായിരിക്കും ഇത്. സണ്ടേ ടൈംസ് മാഗസിനാണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്.

ഹോളിവുഡില്‍ നായികയാവുക എന്നതിനേക്കാള്‍ ലോകം കീഴടക്കുക എന്നതാണ് 30 കാരിയായ ഐശ്വര്യയുടെ ലക്ഷ്യമെന്നും സണ്ടേ ടൈംസ് റിപ്പോര്‍ട്ടില്‍ പറയുന്നു. ഹോളിവുഡിലെ മികച്ച വ്യക്തികളും സ്ഥാപനങ്ങളുമായാണ് ഐശ്വര്യ കരാറില്‍ ഒപ്പിട്ടിരിക്കുന്നതെന്നും പറയുന്നു.

റായി നായികയായി അഭിനയിക്കുന്ന ഗുരീന്ദര്‍ ഛദ്ദയുടെ ബ്രൈഡ് ആന്റ് പ്രിജുഡൈസ് എന്ന ഇംഗ്ലീഷ് ചിത്രം ഒക്ടോബര്‍ എട്ടിന് റിലീസ് ചെയ്യാനിരിക്കുകയാണ്. മാര്‍ട്ടിന്‍ ഹെന്റേഴ്സനാണ് ഈ ചിത്രത്തില്‍ ഐശ്വര്യയോടൊപ്പം അഭിനയിച്ചിരിക്കുന്നത്. മാര്‍ട്ടിന്‍ ഹെന്റേഴ്സന്‍ എലിസബത്ത് ടെയ്ലറോടാണ് ഐശ്വര്യാ റായിയെ ഉപമിയ്ക്കുന്നത്. ക്യാമറയുടെ എല്ലാ ആംഗിളിലും ഐശ്വര്യ സുന്ദരിയാണെന്നും ക്യാമറ ഐശ്വര്യയെ ആരാധിക്കുകയാണെന്നും മാര്‍ട്ടിന്‍ ഹെന്റേഴ്സന്‍.