ഹാരി പോട്ടര്‍ മലയാളം പറയുന്നു

ഹാരിപോട്ടര്‍ കൃതികളുടെ പദാനുപദ തര്‍ജ്ജമയാണ് രാധിക നിര്‍വഹിയ്ക്കുന്നത്. കഥ, കഥാഗതി, കഥാപാത്രങ്ങള്‍, കഥാപാത്രങ്ങളുടെ സംഭാഷണങ്ങള്‍ തുടങ്ങിയ എല്ലാം മൂലകൃതിയുടെ അതേ പോലെതന്നെയാണെന്ന് രാധിക പറയുന്നു.

എപ്പോഴും വിവര്‍ത്തനം ചെയ്യുന്നയാള്‍ മൂലകൃതിയോട് നീതിപുലര്‍ത്തണമെന്ന അഭിപ്രായക്കാരിയാണ് രാധിക. ഹാരിപോട്ടറെപ്പോലുള്ള ഒരു ജനപ്രിയകൃതി വിവര്‍ത്തനം ചെയ്യുന്നത് വെല്ലുവിളിയാണെന്നും രാധിക ഓര്‍മ്മിപ്പിയ്ക്കുന്നു.

ദിവസം 16 മണിക്കൂര്‍ നേരം വിവര്‍ത്തനജോലികള്‍ക്കായി രാധിക ചെലവിടുന്നു. കഴിഞ്ഞ ഒരു മാസമായി ഹാരിപോട്ടറുടെ ഭാവനാലോകത്താണ് രാധിക. മലയാളത്തെപ്പോലെ ഇത്രയും പദസമ്പത്തുള്ള ഭാഷയില്‍ പദാനുപദതര്‍ജ്ജമ എളുപ്പമാണെന്ന് രാധിക പറയുന്നു.