മോഹന്‍ലാല്‍ ചിത്രങ്ങളുമായി സുചിത്ര...

സിനിമയില്‍ കാല്‍നൂറ്റാണ്ട് പിന്നിടുന്നതിന്റെ ഭാഗമായാണ് മോഹന്‍ലാലിന്റെ ഛായാചിത്രങ്ങള്‍ വിപണിയില്‍ ഇറക്കിയിരിക്കുന്നത്. ചിത്രങ്ങളില്‍ മോഹന്‍ലാലിന്റെ കയ്യൊപ്പുമുണ്ട്. ഈ സംരംഭത്തില്‍ സുചിത്രയെ സഹായിക്കാന്‍ മുന്‍ രഞ്ജിക്രിക്കറ്റ് താരം ജെ.കെ. മഹേന്ദ്രയുമുണ്ട്.

മോഹന്‍ലാലിന്റെ ആരാധകരനായ കോട്ടയം സ്വദേശി കൂടിയായ ആര്‍ടിസ്റ് നന്ദകുമാറാണ് കഥകളി വേഷത്തിന്റെ പശ്ചാത്തലത്തിലുള്ള ലാലിന്റെ ഛായാചിത്രങ്ങള്‍ വരച്ചത്. തുച്ഛമായ വിലയ്ക്കാണ് ഛായാചിത്രങ്ങള്‍ നല്കുന്നത്. ഫ്രെയിമുള്ള ചിത്രങ്ങള്‍ക്ക് 3,500 രൂപയും ഫ്രെയിമില്ലാത്ത ചിത്രങ്ങള്‍ക്ക് 2,500 രൂപയും ആണ് വില. ദുബായിലെ മോഹന്‍ലാലിന്റെ റസ്റോറന്റായ ടേസ്റ്ബഡ്സില്‍ ചിത്രങ്ങള്‍ വാങ്ങാന്‍ കിട്ടും. കേരളത്തിലും വൈകാതെ ചിത്രങ്ങള്‍ വില്പനയ്ക്കെത്തും.

ചിത്രങ്ങള്‍ ആവശ്യമുള്ളവര്‍ 9841042705 അതല്ലെങ്കില്‍ 044-28194411എന്നീ നമ്പറുകളില്‍ ബന്ധപ്പെടണം. ചിത്രം വേണ്ടവര്‍ക്ക് ഇ-മെയില്‍ വഴിയും ചിത്രം ഓര്‍ഡര്‍ ചെയ്യാം.