നേവി ക്വീന്‍ ആകൂ...

എല്ലാ വര്‍ഷവും നവമ്പര്‍ 29 മുതല്‍ ഡിസംബര്‍ അഞ്ച് വരെയാണ് നേവി വാരാഘോഷം നടക്കുക. വാരാഘോഷത്തിന്റെ അന്തിമഘട്ടമായാണ് സൗന്ദര്യമത്സരം. 18നും 25നും ഇടയില്‍ പ്രായമുള്ള പെണ്‍കുട്ടികള്‍ക്ക് മത്സരത്തില്‍ പങ്കെടുക്കാം. കേരളത്തിന് പുറമെ പൂനെ, ബാംഗ്ലൂര്‍, മാംഗ്ലൂര്‍, കോയമ്പത്തൂര്‍ എന്നിവിടങ്ങളില്‍ നിന്നുള്ള പെണ്‍കുട്ടികളും മത്സരത്തില്‍ പങ്കെടുക്കാം.

പുറത്ത് നിന്നും മത്സരിക്കാന്‍ വരുന്ന പെണ്‍കുട്ടികള്‍ക്ക് മത്സരത്തില്‍ പങ്കെടുക്കാനും മടങ്ങിപ്പോവാനും മൂന്നാം ക്ലാസ് എസി തീവണ്ടിക്കൂലി നല്കും. സൗജന്യ താമസവും നല്കും. മത്സരത്തിന്റെ ആദ്യ റൗണ്ടില്‍ പങ്കെടുക്കാനുള്ള കാഷ്വല്‍ വസ്ത്രങ്ങളും നല്കും. ഫൈനല്‍ മത്സരത്തിലെ എല്ലാ ഫോട്ടോഗ്രാഫുകളും ഫിലിമുകളും ഉപയോഗിക്കാനുള്ള അനുവാദം സംഘാടകര്‍ക്ക് നല്കിയിരിക്കണം.

ടാജ് മലബാര്‍ ഹോട്ടലില്‍ ഡിസംബര്‍ രണ്ട്, മൂന്ന് തീയതികളില്‍ പ്രാഥമിക റൗണ്ട് നടക്കും. ഫൈനല്‍ റൗണ്ടുകള്‍ ഡിസംബര്‍ മൂന്ന്, നാല്, അഞ്ച് തീയതികളില്‍ നാവിക ആസ്ഥാനത്ത് നടക്കും. കാഷ്വല്‍ റൗണ്ട്, ഡ്രസ് ഓഫ് യുവര്‍ ചോയ്സ്, ഫോര്‍മല്‍ വെയര്‍, സാരി എന്നിങ്ങനെ നാല് റൗണ്ടുകളാണ് ഉള്ളത്. സിംഗപ്പൂരിലോ ലണ്ടനിലോ രണ്ടു പേരോടൊപ്പം ഫൈവ് സ്റാര്‍ ഹോട്ടലില്‍ താമസസൗകര്യവും സൗജന്യ യാത്രാടിക്കറ്റുമാണ് നേവി ക്വീന്‍ ആയി തിരഞ്ഞെടുക്കപ്പെടുന്നവര്‍ക്ക് നല്കുക. രണ്ടാം സ്ഥാനം ലഭിയ്ക്കുന്നവര്‍ക്ക് ദുബായില്‍ രണ്ടു പേരോടൊപ്പം പോകാന്‍ എയര്‍ ടിക്കറ്റും ഫൈവ് സ്റാര്‍ ഹോട്ടലില്‍ താമസിയ്ക്കാന്‍ സൗകര്യവും.

ഇക്കുറി എംടിവി വിജെ സൈറസ് ബ്രോച്ചയും വിജെയും നടിയുമായ ഷെഹ്നാസുമാണ് അവതാരകര്‍. സൗമ്യ സാംബശിവനായിരുന്നു 2002ലെ നേവി ക്വീന്‍.

മത്സരത്തില്‍ പങ്കെടുക്കേണ്ടവര്‍ അപേക്ഷകള്‍ അയയ്ക്കേണ്ട വിലാസം:
ഈവന്റ്സ് അണ്‍പ്ലഗ്ഗ്ഡ്
സി-4 സൗത്ത് സ്ക്വയര്‍
പനമ്പിള്ളി നഗര്‍
കൊച്ചിന്‍

കൂടുതല്‍ വിവരങ്ങള്‍ അറിയാന്‍
098201 78203
0484- 3229881
0484-2322363
എന്നീ നമ്പറുകളില്‍ ബന്ധപ്പെടുക.