ബോളിവുഡില്‍ ചിത്രയ്ക്ക് പ്രിയം

നേരത്തെ എ.ആര്‍. റഹ്മാന് വേണ്ടി രംഗീലയില്‍ ഒരു ഗാനം ആലപിച്ച് ചിത്ര ബോളിവുഡിനെ ശരിയ്ക്കും വശീകരിച്ചിരുന്നതാണ്. റഹ്മാന് ഏറ്റവും ഇഷ്ടപ്പെട്ട ഗായികമാരില്‍ ഒരാളാണ് ചിത്ര. ചിത്രയെ പരീക്ഷിച്ച എല്ലാ സംഗീതസംവിധായകര്‍ക്കും ചിത്രയുടെ കഴിവില്‍ മതിപ്പുണ്ട്. ഇപ്പോള്‍ അനുമല്ലിക്കും ചിത്രയുടെ കഴിവിനെ ആരാധിയ്ക്കുന്നു.

ഹിന്ദിയില്‍ അവസരമില്ലാത്തതല്ല, സമയക്കുറവാണ് ചിത്രയുടെ ബോളിവുഡ് മോഹങ്ങള്‍ക്ക് വിലങ്ങ് തടിയാവുന്നത്. മലയാളത്തില്‍ തന്നെയുള്ള തിരക്ക് ഒഴിയാത്തതിനാല്‍ ഹിന്ദിയില്‍ നിന്നുള്ള ഓഫറുകള്‍ ചിത്ര നിരസിയ്ക്കുകയാണ്. മലയാളം വിട്ടുള്ള സൗഭാഗ്യങ്ങളില്‍ ചിത്രയ്ക്കും വലിയ താല്പര്യമില്ലത്രെ.