സംഗീതത്തില്‍ ഡോക്ടറായി ഭാവന

സംഗീതത്തിന്റെ ആഴങ്ങള്‍ തേടിയുള്ള ഭാവനയുടെ അന്വേഷണം ഇപ്പോള്‍ ഡോക്ടറേറ്റിലെത്തി നില്ക്കുന്നു. ഭാവന ഇപ്പോള്‍ വെറും ഭാവനയല്ല, ഡോക്ടര്‍ ഭാവനയാണ്.

കേരള സര്‍വകലാശാലയാണ് ഭാവനയ്ക്ക് സംഗീതത്തില്‍ ഡോക്ടറേറ്റ് നല്കിയത്. ഇപ്പോള്‍ കൊല്ലം എസ്എന്‍ വിമന്‍സ് കോളെജില്‍ അധ്യാപികയാണ് ഭാവന. ചിറ്റൂര്‍ ഗവ. കോളെജില്‍ നിന്ന് ബിഎ മ്യൂസിക്കില്‍ റാങ്ക് നേടിയ ഭാവനയുടെ എംഎ മ്യൂസിക് പഠനം തിരുവനന്തപുരം ഗവ. വിമന്‍സ് കോളെജിലായിരുന്നു.

പാലക്കാട് അരനല്ലൂര്‍ തൃക്കടീരിമനയില്‍ ടി.എം. ജാതദേവന്‍ നമ്പൂതിരിയുടെയും സരസ്വതിയുടെയും മകളാണ് ഭാവന. തിരുവനന്തപുരം എംജി കോളെജ് കെമിസ്ട്രി അധ്യാപകന്‍ സി.ജി. രാധാകൃഷ്ണന്‍ നമ്പൂതിരിയാണ് ഭര്‍ത്താവ്.