ജ്യോത്സന ഹിറ്റ്

ആദ്യഹിറ്റ് ഗാനത്തോടെ പ്രശസ്തയായെങ്കിലും സംഗീതത്തിന് വേണ്ടി പഠനം ഉപേക്ഷിക്കാനൊന്നും ഈ പെണ്‍കുട്ടി തയ്യാറല്ല. സംഗീതവും പഠനവും ഒരുമിച്ചുകൊണ്ടുപോകാനാണ് ജ്യോത്സനയുടെ മോഹം.

രണ്ടാം ക്ലാസ് വിദ്യാര്‍ത്ഥിനിയായിരിക്കുമ്പൊഴേ സംഗീത പഠനം തുടങ്ങിയ ജ്യോത്സന പക്ഷെ കുറെക്കാലം അബുദാബിയിലായിരുന്നു. അപ്പോള്‍ ഇടയ്ക്ക്വച്ച് പഠനം മുടങ്ങി. പിന്നീട് കേരളത്തില്‍ മടങ്ങിയെത്തിയപ്പോള്‍ വീണ്ടും സംഗീതത്തിലേക്ക് തിരിഞ്ഞു. സംഗീതത്തെക്കുറിച്ച് കൂടുതല്‍ പഠിയ്ക്കണമെന്നും ജ്യോത്സന ആഗ്രഹിയ്ക്കുന്നു.

ദീപങ്ങള്‍ സാക്ഷി എന്ന ചിത്രത്തിലും ജ്യോത്സന ഒരു മെലഡി പാടുന്നുണ്ട്. കവിതേ തുയിലുണരൂ... എന്ന ഗാനം. മെലഡിയാണ് ജ്യോത്സനയ്ക്ക് കൂടുതല്‍ താല്പര്യം. ഈ ഗാനത്തിലും ജ്യോത്സനയ്ക്ക് പ്രതീക്ഷയുണ്ട്. ഹരിഹരന്റെ ആലാപന ശൈലി ജ്യോത്സന ഏറെ ഇഷ്ടപ്പെടുന്നു. ചിത്രയും ഏറെ പ്രിയങ്കരം. പക്ഷെ ജാനകി, സുശീല എന്നിവരെ ഗുരുസ്ഥാനീയരായി ജ്യോത്സന ആരാധിയ്ക്കുന്നു.