വിവാഹമോചനം തേടി സുകന്യ

വിവാഹശേഷം അഭിനയിക്കണമെന്ന സുകന്യയുടെ മോഹമാണ് ബന്ധത്തില്‍ വിള്ളല്‍ വീഴ്ത്തിയത്. ഭര്‍ത്താവ് ശ്രീധറിന് സുകന്യ ഇനിയും അഭിനയിക്കുന്നത് ഇഷ്ടമല്ല. ഇതിനെ തുടര്‍ന്ന് ഇരുവരും തമ്മില്‍ വഴക്ക് നടക്കുക പതിവായിരുന്നുവെന്നും പറയപ്പെടുന്നു.

കഴിഞ്ഞ ദിവസം സുകന്യ യുഎസില്‍ നിന്നും ചെന്നൈയില്‍ തിരിച്ചെത്തിയതോടെ വിവാഹമോചന വാര്‍ത്ത കോടമ്പാക്കത്ത് കാട്ടുതീ പോലെ പടരുകയാണ്. ഭര്‍ത്താവ് സുരേഷില്‍ നിന്നും വിവാഹമോചനം തേടിക്കൊണ്ട് നടി രേവതി കോടതിയെ സമീപിച്ചതിന് തൊട്ടുപിന്നാലെയാണ് സുകന്യയുടെ വിവാഹമോചനശ്രമവും.

മലയാളമുള്‍പ്പെടെ ദക്ഷിണേന്ത്യന്‍ ഭാഷകളില്‍ തിരക്കുള്ള നടിയായിരുന്നു സുകന്യ. ഇതോടെ സുകന്യ വീണ്ടും സജീവമായി സിനിമാരംഗത്തെത്തുമെന്ന് കരുതുന്നു.