കരിഷ്മ വീണ്ടും

തന്റെ എ വുമണ്‍ ഓഫ് സബ്സ്റന്‍സ് എന്ന നോവലിന്റെ കഥ മോഷ്ടിച്ചാണ് കരിഷ്മ എന്ന ടിവി പരമ്പര നിര്‍മ്മിച്ചതെന്ന് ആരോപിച്ച് അമേരിക്കന്‍ നോവലിസ്റ് ബാര്‍ബറ ടെയ്ലറാണ് കേസ് നല്കിയത്. ഇതേ തുടര്‍ന്ന് ഹൈക്കോടതി ടെലിവിഷന്‍ പരമ്പരയ്ക്ക് സ്റേ കൊണ്ടുവന്നത്. പിന്നീട് സുപ്രീം കോടതിയും ഇത് ശരിവച്ചു.

സഹാറയാണ് ഈ പരമ്പര നിര്‍മ്മിച്ചിരിക്കുന്നത്. പരമ്പരയുടെ 48 എപ്പിസോഡുകള്‍ നിര്‍മ്മിച്ച് കഴിഞ്ഞെന്നും ഇതിനായി കോടികള്‍ ചെലവഴിച്ചെന്നും അതുകൊണ്ട് തല്ക്കാലം നിരോധനം നീക്കണമെന്നും ഉള്ള സഹാറയുടെ അഭിഭാഷകന്‍ സിദ്ധാര്‍ത്ഥ് ശങ്കര്‍ റേയുടെ വാദം കോടതി ശരിവയ്ക്കുകയായിരുന്നു. ഇതിനെ തുടര്‍ന്നാണ് നിരോധനം നീക്കിയത്.

നടി കരിഷ്മ കപൂര്‍ ആദ്യമായി മിനി സ്ക്രീനില്‍ ഭാഗ്യം പരീക്ഷിക്കുന്ന പരമ്പര കൂടിയാണിത്. കരിഷ്മ അഭിനയിക്കുന്നതിനാല്‍ സഹാറ ടെലിവിഷന്‍ ഈ പരമ്പരയ്ക്ക് വന്‍ പരസ്യം നല്കിയിരുന്നു.